شەفەق نیوز/ پاریزگار دهۆک، ئمڕوو دووشەممە، راگەیان لە تەرخانکردن سێ مەلیۆن دۆلار ئەرا جیوەجیکردن پڕۆژەیگ خزمەتگوزاری لە پارێزگاگە، و دیاری کرد ؛ جیوەجیکردنی وە هەماهەنگی وەزارەت پلانسازی کریەێد لە حکومەت فیدڕاڵی.
پارێزگار عەلی تەتەر لە کۆنگرەی رۆژنامەوانی ئاژانس شەفەق نیوز ئامادەیبوی وت: ئی پڕۆژەیلە کەرتەیل ئاو و خاسەوکردن جادەگان گریدەو.
وتیش؛ ئی پویلە جوور قەرز لە بانک ناودەوڵەتی هاتگە، دانیشتوه‌یل ١٥ ئاوای له‌ پڕۆژەگان سودمەن بوون. وەی نزیکە دەسکەیمنە جیوەجیکردن کارەگە لە ١٠ ئاوای لە پارێزگاگە.
تەتەر باس هەوڵداینەگان کرد ئەرا فراوانکردن کارەگە تا ٥٠ ئاوای لە پارێزگای دهۆک بگریدەو، و دیاریکرد؛ جیوەجیکردنەگە وەهەماهەنگی وەل وەزارەت پلانسازی کریەێد لە حکومەت فیدڕاڵی.
جی باسە ک عەلی تەتەر، پارێزگار دهۆک، لە کۆتایی مانگ حوزەیران گوزەیشتە پۆستەگەی وەرگرد، و لەوەخت سوێند خواردن یاسایی لە نوای نێچیرڤان بارزانی سەرۆک هەرێم کوردستان، دووپاتکرد لە تەرخانکردن گشت تواناگانی لە خزمەت پارێزگای دهۆک و گردەوکردن گشت رەنجەیلی ئەرا وەجیهاوردن ئەرکەگانی وە خاسترین شیوە.