دوياى په‌نجه‌مين حاڵه‌ت.. ئه‌نجومه‌ن سلێمانى ريگرى له "كۆرۆنا" ئه‌كا
شه‌فه‌ق نيوز/ ئه‌نجومه‌ن پاريزگاى سلێمانى، دانيشتنيگ ئه‌را تاووتوێكردن ئه‌و رێ و شوونه‌يله ئه‌كا ك گيرياسه وه‌ر ئه‌را ريگرى له ڤايرۆس كۆرۆنا.
وه‌گووره‌ى ئه‌و بانگه‌وازه ك ئازاد حه‌مه ئه‌مين سه‌رۆك ئه‌نجومه‌ن پاريزگاى سلێمانى ئاراسته‌ى كرده ئه‌ندامه‌يل ئه‌نجومه‌نه‌گه، به‌رنامه‌ى كار دانيشتنگه‌ى ئه‌نجومه‌ن پاريزگاى سلێمانى تاووتوێكردن رێ وشوونه‌يل له‌وه‌رگيرياێ ئه‌را روێ وه‌ڕوێ بوينه‌وه‌ى ڤايرۆس كۆرۆنا ئه‌گرێده خوه‌ى وه‌ل ريه‌يل مقه‌يه‌تيكردن له سه‌ڵامه‌تى هاووڵاتيه‌يل.
جى باسه، ئه‌نجومه‌نه‌گه له‌ى دانيشتنه ميواندارى هه‌ريه‌ك له پاريزگار سلێمانى و پاريزگار هه‌ڵه‌بجه‌و سه‌رپه‌رشيار ئدارى گه‌رميان و سه‌رپه‌رشيار ئداره‌ى راپه‌ڕين و وه‌ڕيه‌وبه‌ر گشتى ته‌ندروستى سلێمانى و وه‌ڕيه‌وبه‌ر گشتى ته‌ندروستى پاريزگاى هه‌ڵه‌بجه ئه‌كا، جوور ئه‌وه‌گ ره‌سانن يه‌كێتى نيشتمانى ئاماژه وه‌پيكردگه، يه‌يش له‌وه‌ختيگه سلێمانى په‌نجه‌مين حاڵه‌ت تويشهان وه كۆرۆنا تۆمار كرد ئه‌را ئه‌و كه‌سه‌يله له ئيرانه‌و گله‌و خواردنه.
