ساڵح موسلم سه‌رۆك هاوبه‌ش حزب ناوبرياگ ئه‌را رووژنامه‌ى "Yeni Ozgur Polîtikayê"نزيك له‌ پارت كارگه‌ره‌يل كوردستان ك(شه‌فه‌ق نيوز)ئاگادارى بوى، وت: سياسه‌ت توركيا له‌وه‌رانوه‌ر شار موسڵ و هه‌وڵداينى ئه‌را زاڵبوين له‌بان ئه‌و شاره‌ خه‌ويگه‌، چوينكه‌ زاڵبوين له‌بان ئه‌و شاره‌ هه‌وه‌جه‌ وه‌ ده‌رياچه‌يگ خوين ديرێد.

له‌باوه‌ت ئه‌و هيزه‌يل توركييشه‌ ك وجوود ديرن له‌ ناوچه‌ى به‌عشيقه‌ له‌ نزيك موسڵ، موسلم وت: توركيا ستراتيجيه‌ت هه‌ڵه‌يگ گرته‌سه‌ وه‌ر و خوه‌ى گوم ئه‌كا له‌ى هه‌وڵه‌ له‌وه‌ر ئه‌وه‌گ تواناى بنياتناين ده‌وڵه‌تيگ عوسمانى نه‌يرێ له‌ڕى زاڵبوين له‌بان شار موسڵ و ناوچه‌يليگ تر و هه‌ر وه‌و خاتريشه‌ بايه‌سه‌ توركيا ستراتيجيه‌ت خوه‌ى ئاڵشت بكا.