سه‌ركرده‌يگ له پارتى: هه‌ڵويست كورد له دامه‌زرانن حكومه‌ت عه‌لاوى يه‌كگرتگه
شه‌فه‌ق نيوز/ سه‌ركرده‌يگ له پارت ديموكرات كوردستان، جه‌خت له هه‌ڵويست كورد كرد له مه‌سه‌له‌ى دامه‌زرانن حكومه‌ت ئاينده‌ى عراقى.
له‌ى باوه‌ته‌و، شه‌رقولئه‌وسه‌ت له زووان محسن ئه‌لسه‌عدون ئه‌ندتم وه‌رين له په‌رله‌مان عراقى و سه‌ركرده له پارت ديموكرات كوردستان وت: كورد وه‌شيوه‌يگ گشتى دژ دامه‌زرانن و جيوه‌جيكردن حكومه‌ت تازه نين له حاڵه‌تيگ ئه‌گه‌ر وه‌ته‌واوى سه‌روه‌خوه‌ى بوێ و هيزه‌يل سياسى واز له به‌شداريكردنيان بارن وه‌شيوه‌يگ ئاسايى، چوينكه ئيمه له‌ى حاڵه‌ته‌ناخوازيم راى خوه‌مان بچسپنيم له‌بان كه‌سه‌يل تر.
ئه‌لسه‌عدون باس له‌وه‌ش كرد هه‌ڵويست كورد وه‌تايبه‌ت دوياى دانيشتن نێچيروان بارزانى وه‌ل هيز و لايه‌نه‌يل كوردستا يه‌كيگه له وه‌رانوه‌ر دامه‌زرانن حكومه‌ت ئيسه ك حكومه‌تيگ وه‌ختيه وه ئامانج ئه‌نجامداين هه‌ڵوژاردنه‌يل.
جى باسه، ئه‌لسه‌عدون هه‌ميش وت: بايه‌سه له‌بان محه‌مه‌د ته‌وفيق عه‌لاوى راى مه‌سعود بارزانييش وه‌ربگرێد له حاڵه‌تيگ ئه‌گه‌ر وه‌زيره‌يلى هه‌ڵوژان تا به‌شداريه‌گه له وه‌رپرسيارێتى جێوه‌جێ بدێ و تا گشت كانديده‌يليگ جى ره‌زامه‌نى بوون.
