سه‌رۆكايه‌تى كوردستان ئه‌را شانديگ ناوده‌وڵه‌تى جه‌خت له پته‌وكردن ئازادى رووژنامه‌گه‌رێ كرد
شه‌فه‌ق نيوز/ نێچيروان بارزانى سه‌رۆك هه‌رێم كوردستان، جه‌خت له‌وه كرد هه‌رێم كوردستان حورمه‌ت له ئازادى رووژنامه‌گه‌رێ و ئازادى راده‌رخستتن و مقه‌يه‌تيكردنيان ئه‌گرێد و وه‌و خاتريشه گشت هه‌وڵ و گامه‌يليگ ئه‌گرێده وه‌ر و ئاماژه وه ياساى ريكخستن كار رووژنامه‌گه‌رييش كرد.
بارزانى له هه‌ولێر پيشوازى له ئه‌نتۆنى بيلونجى سكرتێر يه‌كێتى رووژنامه‌نويسه‌يل ناوده‌وڵه‌تى كرد ك وه سه‌ردانيگ هاته‌سه هه‌ولێر وه ياوه‌رى شماره‌يگ له رووژنامه‌نويسه‌يل چه‌ن ده‌وڵه‌تيگ وه‌خاتر به‌شداريكردن له كۆنگره‌ى ديدار ناوده‌وڵه‌تى رووژنامه‌نويسه‌يل.
له‌و ديداره ك نه‌قيب سه‌نديكاى رووژنامه‌نويسه‌يل كوردستان و شماره‌يگ له ميوانه‌يل كۆنگره‌گه ئاماده‌ى بوين، باس له مه‌سه‌له‌ى رووژنامه‌گه‌رێ و كار ره‌سانن و ئازاد رووژنامه‌نويسى و ئازادى راده‌رخستتن و ياسايه‌يل تايبه‌ت وه‌و بواره كريا له هه‌رێم كوردستان.
