كوردستان: مه‌رزه‌يلمان وه‌ل ئيران وازه وه‌چه‌واشه‌ى باقى ناوچه‌يل تر عراق
2020-03-08 18:49:51
شه‌فه‌ق نيوز/ شێخ مسته‌فا شێخ عه‌بدولڕه‌حمان سه‌رۆك يه‌كێتى هاورده‌كاره‌يل و هه‌نارده‌كاره‌يل له سلێمانى وت: مه‌رزه‌يل هه‌رێم كوردستان عراق هيمان وازه وه‌ل ئيران و برياره‌يل حكومه‌ت ناوه‌ندى جيوه‌جێ نادي له‌بانن هه‌رێم.
شێخ عه‌بدولڕه‌حمان له لێدوانيگ تايبه‌ت ئه‌را شه‌فه‌ق نيوز وت: ده‌روازه‌يل مه‌رزێ له‌ناونى هه‌رێم كوردستان و ئيران هيمان تائيسه وازه‌و هويچ بڕياريگ له‌باره‌ى داخستنيه‌وه ده‌رنه‌كرياگه.
باس له‌وه‌يش كرد ده‌روازه‌يل مه‌رزێ جوور په‌رويزخان و حاجى عومران و باشماخ هانه ژير ئداره‌ى هه‌رێم ك ده‌سڵات ته‌واو له‌بان مه‌ندنه‌وه‌ى وه وازكرياگى يا به‌ساننى ديرێد و ئاماژه وه‌يه‌يش كرد داخشتن ده‌روازه‌يل له حاڵ حازر له به‌رژه‌وه‌ندى هه‌رێم نيه.
