ليژنه‌ى له‌ناوبردن كۆرۆنا وازكردن مزگفته‌يل له كوردستان ره‌ته‌و ئه‌كا
شه‌فه‌ق نيوز/ ليژنه‌ى باڵاى روێ وه‌ڕوێ بوينه‌وه‌ى ڤايرۆس كۆرۆناى تازه له هه‌رێم كوردستان، باوه‌ڕێ له‌يواسه ك خاستره مزگفته‌يل له هه‌رێم له حاڵ حازر نه‌كريه‌نه‌و.
ليژنه‌گه له به‌ياننامه‌يگ ئه‌را شه‌فه‌ق نيوز ئه‌وه ده‌رخست ك قسه وه‌ل ئيمام مزگفته‌يل و هاووڵاتيه‌يل كردگه، دوياى ئه‌و داواكاريه‌يله ك پيشكه‌شى كردنه له‌باره‌ى وازكردنه‌وه‌ى قاپى مزگفته‌يل له ماوه‌ى مانگ ره‌مه‌زان و دوياى تاوتويكردن مه‌سه‌له‌گه وه‌ل وه‌زيره‌يل ناوخوه‌يى و ته‌ندروستى و ئه‌وقاف و كاروبار ئايينى و پاريزگاره‌يل، گشت لايگ باوه‌ڕيان له‌يوا بويه خاستر ئه‌وه‌سه مزگفته‌يل نه‌كريه‌نه‌و له حاڵ حازر.
به‌ياننامه‌گه يه‌يش ده‌رخست ئى بڕياره دوياى ئه‌وه‌سه ك شماره‌يگ حاڵه‌ته‌يل تويشبوين تازه وه ڤايرۆس كۆرۆنا له شاره‌يل هه‌رێم تۆمار كريانه‌و باس له‌وه‌يش كرد ك ناخوازێد مزگفته‌يل بوونه هووكار زيايبوين بڵاوبوينه‌وه‌ى ڤايرۆسه‌گه.
