شه‌فه‌ق نيوز/ بابا شێخ خرتوز حاجى ئسماعيل مه‌رجه‌ع باڵاى ئايينى ديانه‌ت ئێزيدى، بروسه‌كه‌يگ پيرووزبايى ئاراسته‌ى مه‌سرور بارزانى كرد وه‌ بوونه‌ى وه‌رگرتن پۆست سه‌رۆك حكومه‌ت هه‌رێم كوردستان.

له‌ بروسكه‌ى بابا شيخ هاتگه‌: ئيمه‌ دڵنيايى ته‌واويگ وه‌ هه‌ڵوژانن جه‌نابدان ديريم ئه‌را سه‌رۆك حكومه‌ت هه‌رێم كوردستان و دامه‌زرانن كابينه‌ى تازه‌ وه‌ ئه‌وه‌گ نه‌خسه‌ى ئاينده‌يگ تازه‌ ئه‌كيشێد و ره‌نگدانه‌وه‌ ديرێد له‌بان باوه‌ڕبوين سه‌ركردايه‌تى سياسى و ملله‌ت كوردستان.

جى باسه‌، شێخ بابا هه‌ميش وت: وجوود جه‌نابدان له‌سه‌رۆكايه‌تى حكومه‌ت ئوميد رووشنايگه‌ و په‌ناگه‌يگ له‌خوه‌يگرتنه‌ ئه‌را گشت رووڵه‌يل هه‌رێم وه‌ سه‌رجه‌م پيكهاته‌يل ئايينى و نه‌ته‌وه‌يليه‌وه‌و له‌ناويانيش پێكهاته‌ى ئێزيدى.