شه‌فه‌ق نيوز/ نه‌جمه‌دين كه‌ريم پاريزگار وه‌رين كه‌ركوك و لاورياێ له‌لايه‌ن حكومه‌ت ناوه‌نديه‌و له‌ به‌غدا، جه‌خت له‌وه‌ كرد حاڵ حازر ها به‌يروت پايته‌خت لوبنان و باس له‌وه‌يش كرد وه‌ى نزيكه‌يله‌ گله‌و ئه‌خوه‌ێد ئه‌را هه‌رێم كوردستان.

له‌و باوه‌ته‌و، ته‌له‌فزيۆن كوردستان24, له‌ زووان كه‌ريم له‌ په‌يوه‌ندييگ ته‌له‌فۆنى وت: وه‌ى نزيكه‌يله‌ گله‌وئه‌خوه‌ێد ئه‌را هه‌رێم كوردستان و باس له‌وه‌يش كرد مه‌سه‌له‌گه‌ هويچ په‌يوه‌ندييگ وه‌ پۆليس ناوده‌وڵه‌تى(ئه‌نترپۆڵ)نه‌يرێد، به‌ڵكوو دوياى داواكارييگ عه‌بادى له‌ ده‌وڵه‌ته‌يل عه‌ره‌بى بويه‌و هويچ كاريگه‌رييگ له‌بانى نه‌يرێد.

جى باسه‌، كه‌ريم يه‌يش ده‌رخست ك هويچ كيشه‌يگ له‌ گه‌شت يا جيوازبوين نه‌يرێد و ئاماژه‌ وه‌يه‌يش كرد ك زويتريش چه‌نه‌ها جار گه‌شت وه‌ره‌و ده‌يشت وڵات كردگه‌.