نێچيروان بارزانى مه‌ندنه‌وه‌ى هيزه‌يل هاوپه‌يمان له عراق وه خواست زانێد
شه‌فه‌ق نيوز/ نێچيروان بارزانى سه‌رۆك هه‌رێم كوردستان، باوه‌ڕێ ئه‌وه‌سه مه‌ندنه‌وه‌ى هيزه‌يل هاوپه‌يمان ناوده‌وڵه‌تى له عراق ئه‌را له‌ناوبردن داعش كار خواستيگه.
له‌ى باوه‌ته‌و سه‌رۆكايه‌تى هه‌رێم له به‌ياننامه‌يگ باس له‌وه كرد بارزانى له ديدارى وه‌ل يۆرغن هارت و ماركۆس غرۆبل ئه‌ندامه‌يل په‌رله‌مان ئه‌ڵمانى له حزب ديموكرات مه‌سيحى باس له‌وه كردگه مه‌ندنه‌وه‌ى هيزه‌يل هاوپه‌يمان ناوده‌وڵه‌تى له عراق خواسته‌و له هه‌مان وه‌خت هه‌ڵويست ئه‌ڵمانيا له‌باره‌ى بڕيارداينى ئه‌را ده‌سميه‌تداين هيزه‌يل پێشمه‌رگه له بوار مه‌شقداين به‌رز نرخانگه.
لاى خوه‌يانيشه‌و هه‌ردوگ په‌رله‌مانتار ئه‌ڵمانى سوپاسگوزارى له حكومه‌ت و ملله‌ت كوردستان كردن وه‌خاتر له‌خوه‌يگرتن ئاواره‌يل و په‌نابه‌ره‌يل وه‌تايبه‌ت مه‌سيحيه‌يل له كه‌مپه‌يل هه‌رێم كوردستان و جه‌خت له‌وه‌يش كردن كار له‌بان ئه‌وه بكه‌ن ئه‌ڵمانيا وه‌رده‌وام بدێ له ده‌سميه‌تداين هه‌رێم كوردستان.
