شەفەق نیوز/ نێچیرڤان بارزانی سەرۆک هەرێم کوردستان، ئمڕوو پەنجشەممە، دووپاتکرد لە گرنگی وەردەوامبوین پشتگیری ئەمریکا ئەرا هەرێم کوردستان.
بەیاننەمەیگ لە سەرۆکایەتی رەسیە ئاژانس شەفەق نیوز وت: بارزانی پێشوازی کرد لە رۆبیرت واڵەر قونسڵ گشتی نوو ئەمریکا لە هەرێم کوردستان.
بەیاننامەگە وتیش: لە چەوپیکەفتنیگ قونسڵ گشتی ئەمریکای وەرین وە یاوەری شاندیگ ئامەدەی بوی، وگەرد پیروزبایی کردن ئەرا قونسڵە نووەگە، سەرۆک بارزانی ئومید خوەی ئەرای پێشکەشکرد لە سەرکەفتنی لە ئەرکە نووگانی و باس پشتگیری خوەی ئەرای کرد.
لە لای خوەییش؛ قونسڵەگە دووپاتکرد لە پابەندی ئەمریکا وە ئارامبوین عراق و هەرێم کوردستان، و هەمیش دووپاتکرد لە دەور هەرێم کوردستان و لایەن و پێکهاتەگان لە حکومڕانی عراق، وجەختکرد لە پشتگیری وڵاتەگەی لە هه‌وڵه‌گان چارەسەرکردن گرفتەگان، و وەپشتسەرنان قەیرانەگان لە عراق و هەرێم کوردستان. لە لای خوەییش قونسڵ وەرین باس لە سوپاس و رێز خوەی کرد و دووپاتکرد لە پۆستە نووەگەی خوەی کاربکەێد ئەرا بتەوکردن کار هاوبەشی وەگەرد عراق و هەرێم کوردستان.
بارزانی جەختکرد لە هەڵوێست هەرێم کوردستان لە کارکردن وەگەرد حکومەت فیدڕاڵی عراق، ئەرا سه‌قام ئارامی و چارەسەرکردن گرفتەیل لە بان بنەمای دەستور.
بەیاننامەگە هەمیش وت: هەردوگلا دووپاتکردن لە بتەوکردن پەیوەندیەگان ناوبەین هەرێم کوردستان و ئەمریکا، و هاوکاری هاوبەش و کارکردن وەگەرد هاوپەیمان ناودەوڵەتی دژوە داعش، و وەرده‌وامی پاڵپشتی ئەمریکا ئەرا هەرێم کوردستان، و دەوەر هەرێم لە ئارامی عراق، و لە رەوشەیل ناوخۆیی و دەورە گشتگیرەگەی سەرۆکایەتی هەرێم، و مقەیەتی کردن پێکەوە ژیان و ئاشتەوایی ناونی پێکهاتەگان.