هه‌رێم كوردستان: ئاماده‌يم داهات دارايى له نه‌فت بخه‌يمنه خه‌زينه‌ى ده‌وڵه‌ت عراقى
شه‌فه‌ق نيوز/ حكومه‌ت هه‌رێم كوردستان، سه‌رله‌نوو ئاماده‌يى خوه‌ى ده‌رخست ئه‌را ئه‌وه‌گ نه‌فت و داهات دارايى راده‌س وه حكومه‌ت ناوه‌ندى بكا وه‌گووره‌ى ئه‌و ريككه‌فتنه ك له‌كووتايى 2019 ئه‌نجام درياگه له‌ناونى هه‌ردوگلا.
له‌ى باوه‌ته‌و، جوتيار عادل قسه‌كه‌ر وه‌ناو حكومه‌ت هه‌رێم له كۆنگره‌يگ رووژنامه‌گه‌رى ك په‌يامنێر شه‌فه‌ق نيوز له‌تى ئاماده بوێ له‌شوون دانيشتن ئه‌نجومه‌ن وه‌زيره‌يل هه‌رێم وه‌ل شاند دانيشتنكار له به‌غدا، وت: له‌ى دانيشتنه ك وه سه‌رۆكايه‌تى مه‌سرور بارزانى سه‌رۆك وه‌زيره‌يل و قوباد تاڵه‌بانى جيگرى ئه‌نجام درياگه، چه‌ن ته‌وه‌ريگ له‌تى باس كرياگه، له‌وانه‌يش: بارودوخ دارايى و ئابوورى له هه‌رێم و گفتگووه‌يل وه‌رده‌وام وه‌ل به‌غدا له‌وه‌ر چاره‌سه‌ر كيشه‌يل ناونى هه‌ردوگلا و راده‌سكردن داهات وه حكومه‌ت ناوه‌ندى.
جى باسه، عادل يه‌يش ده‌رخست و وت: ئيمه پابه‌نديم وه راده‌سكردن داهات دارايى له فرووشتن نه‌فت و داناينى له خه‌زينه‌ى حكومه‌ت ناوه‌ندى و ئاماژه وه‌يه‌يش كرد شاند حكومه‌ت هه‌رێم جاريگتر سه‌ردان به‌غدا ئه‌كات، وه‌لێ هيمان واده‌ى سه‌ردانه‌گه‌ى ديارى نه‌كرياگه.
