هه‌رێم كوردستان دو ده‌روازه‌ى مه‌رزى وه‌ل ئيران واز ئه‌كا
2020-04-28 11:10:26
شه‌فه‌ق نيوز/ وه‌زاره‌ت ناوخوه‌يى هه‌رێم كوردستان، ئاشكراى كرد دو ده‌روازه‌ى مه‌رزى وه‌ل ئيران واز ئه‌كريه‌ێد.
وه‌زاره‌ته‌گه له به‌ياننامه‌يگ وت: كردنه‌وه‌ى ده‌روازه‌ى"ته‌وێڵه"له مه‌رز پاريزگاى هه‌ڵه‌بجه‌و ده‌روازه‌ى"كێلێ"له مه‌رز ئداره‌ى ناوچه‌ى راپه‌رين، ته‌نيا له‌وه‌ر خاتر ئاڵشت وئوڵشت بازرگانى ئه‌كريه‌نه‌و.
به‌ياننامه‌گه يه‌يش ده‌رخست ك بايه‌سه له‌و هه‌ردوگ ده‌روازه رينمايه‌يل ته‌ندروستى جيوه‌جى بكريه‌ن و رێ وه‌هويچ گه‌شتياريگ نادريه‌ێد وه‌پيانا بچێده ناو خاك ئيران يا له‌وراوه بايده ناو خاك هه‌رێم وه‌بى ره‌زامه‌نى وه‌زاره‌ت ناوخوه‌يى و باس له‌وه‌يش كرد به‌ياننامه‌گه له ريككه‌فت ده‌ركردنيه‌و ئه‌چێده بوار جيوه‌جيكردن.
