هه‌رێم كوردستان رينمايى دا ئه‌و شوفێره‌يل بارهه‌ڵگره سه‌ردان ئيران ئه‌كه‌ن
شه‌فه‌ق نيوز/ ئداره‌ى كۆمه‌ڵگه‌ى مه‌رزێ ناوده‌وڵه‌تى "حاجى عومران" ، جه‌خت له‌بان ئه‌و شوفێره‌يله كرد ك له‌هه‌رێم كوردستان سه‌ردان ئيران ئه‌كه‌ن ئه‌را هاوردن كاڵا، ك رينمايه‌يل ته‌ندروستى و مقه‌يه‌تى له تويشهاتن وه ڤايرۆس كۆرۆنا جێوه‌جێ بكه‌ن و وت: هه‌ر شوفێريگ ئه‌و رينمايه‌يله جێوه‌جى نه‌كا دويره‌و ئه‌خريه‌ێد.
ئداره‌گه له به‌ياننانه‌يگ وت: له‌چوارچيوه‌ى مقه‌يه‌تيكردن له سه‌ڵامه‌تى گشتى و نواگيرى له ڤايرۆس كۆرۆنا، ده‌روازه‌ى مه‌رزێ ناوده‌وڵه‌تى حاجى عومران ئاگادار شوفێره‌يل بارهه‌ڵگر ئه‌كا پابه‌ند بوون وه رينمايه‌يل ته‌ندروستى و دويره‌و بكه‌فن له شوونه‌يل قه‌ره‌باڵغ و له چگنيان تيكه‌ڵ نه‌ون له‌ناو بازاڕ گومرگ له ئيران و نه‌بايه‌د بچنه كافتريا و ئاشخانه‌يل و بايه‌سه دڵنگ تايبه‌ت ته‌ندروستى له‌وه‌ر بكه‌ن و ده‌مامك بووه‌سن و ده‌سكيش بكه‌نه ده‌س و ده‌سگ سه‌ياره‌يليان پاكه‌و بكه‌ن.
جى باسه، به‌ياننامه‌گه هه‌ميش و: هه‌ر شوفێريگ ئه‌و رينمايه‌يله جيوه‌جێ نه‌كا رێ وه‌پى نادريه‌ێد وه‌رده‌وام بدێ له كاره‌گه‌ى ئه‌را جيوازكردن كاڵا و دويريشه‌و ئه‌خريه‌ێد له مه‌رز ناوده‌وڵه‌تى حاجى عومران.
