هه‌رێم كوردستان و ئه‌مريكا ريككه‌فتن له‌بان به‌رزه‌وكردن ئاست وه‌به‌رهاوردن وزه
2020-05-09 10:30:35
شه‌فه‌ق نيوز/ مه‌سرور بارزانى سه‌رۆك حكومه‌ت هه‌رێم، وه‌ل دان برۆيليت وه‌زير وزه‌ى ئه‌مريكى له په‌يوه‌ندييگ ته‌له‌فۆنى باس له بريگ مه‌سه‌له‌ى گرنگ هاوبه‌ش كرد.
له‌ى باوه‌ته‌و، حكومه‌ت هه‌رێم كوردستان، له به‌ياننامه‌يگ وت: له‌و په‌يوه‌ندى ته‌له‌فۆنييه، هه‌ردوگلا باس له ده‌رئه‌نجامه‌يل بڵاوبوينه‌وه‌ى ڤايرۆس كۆرۆنا كردنه له‌بان ئابوورى هه‌رێم كوردستان و عراق و وڵاته‌يل يه‌كگرتگ.
به‌ياننامه‌گه وت: سه‌رۆك حكومه‌ت هه‌رێم و وه‌زير وزه‌ى ئه‌مريكا ريككه‌فتنه له‌بان به‌رزه‌وكردن ئاست وه‌به‌رهاوردنه‌يل له بوار وزه له‌ناونى وڵاته‌يل يه‌كگرتگ و هه‌رێم كوردستان و رووشناييش خستنه‌سه بان حكومه‌ت تازه‌ى ناوه‌ندى له به‌غدا و ريه‌يل پشتگيريكردنى.
