وینە.. ئەیە جیماگەی گورزە ئاسمانیەگەی تورکیاس لە ویرانکردن ناوچەی شیلادزێ
شه‌فه‌ق نيوز/ ئاژانس شەفەق نیوز وینەیلیگ تایبەت ئەرا ئاسەوار ویرانکەرەگە لە پەلامارە ئاسمانیه‌گه‌ی تورکیە ک تا ئیسە رەسێدە ئاوایەیل سنوری وەگەرد هەرێم کوردستان عراق، نشان ده‌ید.
پەلامارە تورکیەگە ک وەرجە هەفتەیگ دەسکردەپی، زیان ئایەمی و دارایی فرەیگ هیشتە جی، و ئی وینەیلە ئەو زەرەدەیلە نیشان دەێد ک رەسیە ماشینەیل هاووڵاتیەگان لە هەرێم کوردستان.
سەرچەوەیگ خۆجێی ئمڕوو جومعە، خەوەر دا لە فرەوەبوین پەلامارە ئاسمانیەگەی تورکیا، ک ناحیەی شیلادزێ کردە ئامانج لە پارێزگای دهۆک.
سەرچەوەگە ئەرا ئاژانس شەفەق نیوز وه‌ت؛ فڕۆکەیل جەنگی تورکی ماشینیگ پیک ئاب نیسان کردنە ئامانج، ک چوار مەدەنی خەڵک ناحیەی شیلادزێ لەناوی بوین.
سەرچەوەگە هەمیش وت: پەلامارە ئاسمانیەگە گشت ئەو کەسەیل ناو ماشینەگە کوشت، وئاماژەدا ک تەرمەیل قوربانیەگان بوینەسە زوخاڵ، وروخساریان دیارنیە لەوەر سزیانەگە.
دوو وەرپرس خۆجێی ئمڕوو لەوەختیگ وەرین خەوەر دان لە کوشتن سێ مەدەنی وە گورز ئاسمانی لەلایەن فڕۆکەی جەنگی تورکیا لەبان پارێزگای دهۆک.
وارشین سەلمان وەڕیەوبەر ناحیەگە دووپاتکرد لە کەفتن دوو قوربانی ئمڕوو، وە پەلامارە ئاسمانیە تورکیەگە، لە ئاواییگ سەروە ناحیەگە.
لەلای خوەییش سەربەست عەقراوی وەڕیەوبەر ناحیەی کانی ماسی وت؛ خەڵکەگە تەرم مەدەنییگ دینەو خەڵک ئاوای دێلکای سەروە ناحیەگەس ک کەفتە وەر پەلاماریگ ئاسمانی تورکی روژ چوارشەممەی وەرین.
