شەفەق نیوز/ كومیته‌ی فریاگوزاری لە پارێزگای ئیلام فەیلی راگەیان، دەور ٢٠% لە ئامار دانیشتوەیل پارێزگاگە هاوکاری فریاگوزاری لە كۆمیته‌گە وەرگرن.
قەنبەر موسا نەژاد وەڕیەوبەر گشتی كۆمیته‌گە لە وتار رۆژنامەوانییگ وت: ٢٠% لە دانیشتوەیل پارێزگاگە هاوکاری لەی كومیته‌ وەرگرن وئەیە شایستەی قەوارەی دانیشتوەیل پارێزگاگە نیە ک رەسیدە ٦٠٠ هەزار کەس.
وتیش ؛ ٣٢ هەزار خیزان واتە وەگورەی ٧٨ هەزار کەس هاوکاری وەردەوامی لە كۆمیته‌گه‌ وەرگرن ، و هەمیش ٢٠٠٠ مناڵ لە کەم خوەراکی ناڵنن. پارێزگای ئیلام رێژەی بیکاریەگەی ها لە نوای لیستەگە لەو پارێزگاگان تر.
جی باسە ک تا ئمڕوو ٤٠٧١ کەس لە پارێزگاگە تووش ڤایڕۆس کۆڕۆنا هاتنە، لە وەخت بڵاوبوینی لە پارێزگاگە، لەلیان ١٢٠ کەس مردگە، وەگورەی ئەوەگ دکتۆر محمد کەریمیان وەرپرس زانکۆی ئیلام ئەرا زانستە پزشکیەگان خەوەریدا.