شەفەق نیوز/ نێچیرڤان بەرزانی سەرۆک هەرێم کوردستان، ئمڕوو یەکشەممە، باس لەخوسەی خوەی کرد ئەرا مردن هونەرمەند کورد ک ناسریایە وە سەعید گاباری.
سەرۆک بارزانی لە بەیاننامەیگ وت: وە دڵگرانیەو چاو مردن هونەرمەند کوردستان رەحمەتی سەعید گابار وەرگردیمن، وەی بون دڵتەنگکەرە، سەرەخوەشی لە خزمەیل وبرادەرەیلی کەیمن، وبەشدار لە خوسەیلیان بویمن، داوا لە خودا کەیمن گیانی وە بەهەیشت شاد بکەێد و وئارامی و سەبوریان بەێد.
وتیش؛ هونەرمەند سەعید گاباری دەنگ کوردی زەڵاڵو رەسەنیگە، خزمەت گورانیو مۆسیقای کوردی ئەرا چەنها ساڵ کرد، ولەماوەی شۆڕش بڕیگ سروود و گورانی ئەرا خەبات و پێشمەرگە چڕی.
وهەمیش وت؛ ئەرشیفیگ دەوڵەمەن له‌ مۆسیقاو گورانی وەجی هێشت، وهەمیشە یادی جوی هونەرمەند زنییگ وە کارو بەرهەمەیلەگی مینێد.
لای خوەییش مەسرور بەرزانی سەرۆک حوکمەت هەرێم کۆردستان، باس لە دڵگرانیی کرد ئەرا ئی خەوەرە. لەبەیاننامەی پرسەگە وت؛ هونەرمەند سەعید گاباری خزمەتەیل گەورا کرد ئەرا هونەر کوردی، لە ری گورانیەیلی کار دیارییگ ئەرا پشتگیری پێشمەرگە کرد.
هونەرمەند کوردی ناسریاگ وە سەعید گاباری روژ دووشەممە لە تەمەن ٦٤ ساڵ، دویای نەخوەشی سەختیگ ماڵئاوایی یەکجاری کرد،.
سەرچەویگ پزشکی ئەرا شەفەقنیوز وت: گاباری لە ساعەتەیل وەرین ئمڕوو شەوەکی دویای تێکچوێن تەندروسیی لە خەسەخانەی ( سەردەم) لە شار هەولێر گیانی لەدەسدا،.
گاباری خەڵک شار حەسەکەس لە کوردستان سوریا، ناسریا وە چڕین گورانی شۆڕشگێڕی و فلکلۆریوجەماوەر گەورایگ دیرێد.