شه‌فه‌ق نيوز/ لينژنه‌ى خزمه‌تگوزاريه‌يل شاره‌وانى و گواشتنه‌وه‌و په‌يوه‌نديه‌يل و گه‌شتيارێ و ئاوادانكردنه‌وه‌ له‌ په‌رله‌مان هه‌رێم كوردستان، ئاشكراى ميوانداريكردن وه‌ڕيه‌وبه‌ره‌يل گشتى له‌ وه‌زاره‌ گواستنه‌وه‌و په‌يوه‌نديه‌يل كرد له‌ ئه‌نجام به‌رزه‌وبوين نرخه‌يل په‌يوه‌ندى و ئه‌نته‌رنێت.

له‌و باوه‌ته‌و، هاوڕێ مه‌لا ستار سه‌رۆك ليژنه‌گه‌ له‌ كۆنگره‌يگ رووژنامه‌گه‌رى وت: له‌و دانيشتنه‌ ك ليژنه‌گه‌ ئه‌نجامى داگه‌ له‌تى بڕيار دايمنه‌ ميواندارى وه‌ڕه‌يه‌وبه‌ر ديوان گشتى و وه‌ڕيه‌وبه‌ر پلاندانان گشتى له‌ وه‌زاره‌ت گواستنه‌وه‌ و په‌ويه‌نديه‌يل بكه‌يم له‌باره‌ى به‌رزه‌وبوين نرخ ئه‌نته‌رنێت و كزى ئه‌و خزمه‌تگوزاريه‌يله‌ ك پيشكه‌ش وه‌ هاووڵاتيه‌يل ئه‌كريه‌ێد له‌ هێڵه‌يل تووڕ ئه‌نته‌رنێت و چوينێتى كاركردن كۆمپانيايه‌يل له‌و چوارچێوه‌ى.

مه‌لا ستار يه‌يش ده‌رخست ك شكايه‌ته‌يل فريه‌يگ له‌لايه‌ن هاووڵاتيه‌يله‌و له‌و باوه‌ته‌و وه‌پيان ره‌سيه‌ و هه‌ر وه‌و خاتريشه‌ ميواندارى وه‌ريوبه‌ره‌يل ئه‌كريه‌ێد ئه‌را شيه‌وكردن مه‌سه‌له‌گه‌و ده‌رخستن زانياريه‌يل له‌و باوه‌ته‌و ك نگه‌رانى فريه‌يگ له‌لاى هاووڵاتيه‌يل په‌يا كردگه‌.