شه‌فه‌ق نيوز/ وه‌زاره‌ت گواستنه‌وه‌و گه‌ياندن له‌ حكومه‌ت هه‌رێم كوردستان، ئاشكراى په‌يوه‌سكردن پۆسته‌ى هه‌رێم وه‌ سيسته‌م پۆسته‌ى ناوده‌وڵه‌تى(IPS)كرد.

له‌و باوه‌ته‌و، ئومێد محه‌مه‌د قسه‌كه‌ر وه‌ناو وه‌زاره‌ته‌گه‌ له‌ كۆنگره‌يگ رووژنامه‌گه‌رى له‌ هه‌ولێر وت: ئى سيسته‌م ناوده‌وڵه‌تيه‌ پۆسته‌ى هه‌رێم كوردستان په‌يوه‌س ئه‌كاده‌ پۆسته‌ى گشت وڵاته‌يل جه‌هان و ئاسانكارى ئه‌را هاووڵاتيه‌يل له‌ هه‌رێم كوردستان ئه‌كا له‌وه‌خت مراجعه‌كردن سه‌باره‌ت وه‌ ره‌سين پۆسته‌و وه‌خت ره‌سينى له‌هه‌ر شوونيگ له‌ جه‌هان.

محه‌مه‌د يه‌يش ده‌رخست ك پۆسته‌ى هه‌رێم كوردستان كه‌رت گشتيه‌و خزمه‌تگوزارى وه‌ نرخيگ ئه‌رزانتر له‌ كه‌رت تايبه‌ت ره‌وانه‌ى ده‌يشت وڵات ئه‌كا، ك وه‌ته‌نيا له‌ڕێ هێڵ ئاسمانييه‌و جيواز ئه‌كريه‌ێد.