وه‌ گووره‌ی راپۆرت رووژنامه‌ی واشنتۆن پۆست ك(شه‌فه‌ق نيوز)ئاگاداری بوی، جای كارنی قسه‌كه‌ر فه‌رمی ماڵ چه‌رمگ ده‌س خوه‌شی له‌ مالكی كردكه‌ له‌بان ئه‌و په‌يوه‌نديه‌ وه‌ل سه‌ركرده‌يل ناوچه‌يی و سه‌رۆك هووزه‌يل و نيشتمانپه‌روه‌ره‌يل عراقی و له‌وانه‌يش سنی و كورد و ئه‌و داوه‌تنامه‌ی فه‌رميه‌ ئه‌را سه‌رۆك هووزه‌يل سنی وه‌خاتر هاوكاريكردنی له‌ جه‌نگ دژ ريكخرياگ قاعيده‌.

رووژنامه‌گه‌ يه‌يش ده‌رخست ك كارنی نيشانه‌يل ره‌زامه‌نی له‌بان هه‌ڵسوكه‌فت مالكی وه‌پيه‌و ديار بويه‌و ئه‌نجوومه‌ن وه‌زيره‌يل عراقييش بڕيار داگه‌ ك حكوومه‌ت ده‌سميه‌ت هيزه‌يل عه‌شاير بياد وه‌خاتر قه‌ره‌بووكردن ئه‌وانه‌گ له‌ليان كوشياگه‌و زه‌خمدار بويه‌ له‌ جه‌نگ و ده‌سميه‌ت هه‌ڵه‌په‌ڵه‌ی ئنسانييش بڕه‌سنيده‌ مه‌ردمه‌يل تر سنی.

ج . أ