ئه‌و سه‌رچه‌وه‌ ك نه‌تواس ناوی ئاشكرا بوود، ئه‌را(شه‌فه‌ق نيوز)وت: ده‌مه‌و شه‌وه‌كی ئمڕوو كه‌سه‌يليگ چه‌كدار په‌لامار سه‌ياره‌ی وه‌ڕيه‌وبه‌ر بنگه‌ی پۆليس ئاوای سه‌نسل دانه‌ له‌ قه‌زای شاره‌بان له‌باكوور خوه‌رهه‌ڵات باقوبه‌و له‌و په‌لاماره‌ وه‌ڕيه‌وبه‌ر پۆليس ئه‌و بنگه‌ وه‌ پله‌ی نه‌قيب و يه‌كيگ له‌ پاسه‌وانه‌يلی كوشيانه‌و چه‌كداره‌يليش واينه‌ وه‌ره‌و شوونيگ ناديار.

سه‌رچه‌وه‌گه‌ هه‌ميش وت: هيزه‌يل ئاسايش يه‌كسه‌ر چوارده‌ور شوون رويداگه‌گه‌ دانه‌و ده‌س كردنه‌سه‌ وشكانن له‌ ناوچه‌يل ده‌وروه‌ری ئه‌را په‌ياكردن ئه‌و چه‌كداره‌يله‌و ته‌رم هه‌ردوگ كوشياگه‌گه‌يش جيواز كرنه‌ ئه‌را ته‌رمخانه‌ی پزيشكی.

ج . أ