١٣ ترۆريست و سه‌ركرده‌يگ له ده‌وڵه‌ت عراق ئسلامی له موسڵ ده‌سگير كريا
2013-09-15 08:53:34
له‌لايه‌ن هيزيگ له تيم سێيه‌م سه‌ر وه پۆليس حكوومه‌ت ناوه‌ندی.
ئه‌و سه‌رچه‌وه له‌باسيگ ئه‌را(شه‌فه‌ق نيوز)وت: ده‌مه‌و شه‌وه‌كی ئمڕوو هيزيگ له تيم سێيه‌م سه‌ر وه پۆليس حكوومه‌ت ناوه‌ندی له‌ناوچه‌يل جياجيای باشوور موسڵ ده‌سكرده وشكانن و گه‌ردين، ك له‌و كرده‌وه تويه‌نست ١٣ داواكرياگ وه‌گووره‌ی مادده‌ی چوار ترۆر ده‌سگير بكاو له‌ناونيانيش سه‌ركرده‌يگ وه‌ناو ئسماعيل عه‌بدولخالق خزر له ده‌وڵه‌ت عراق ئسلامی ده‌سگير كريا.
هه‌مان سه‌رچه‌وه ك نه‌تواس ناوی ئاشكرا بوود، يه‌يش ده‌رخست ك ئه‌و كرده‌وه‌ی وشكاننه له‌لايه‌ن هيز ناوبرياگ وه‌گووره‌ی زانياری هه‌واڵگری پڕ دقه‌تيگ ئه‌نجام درياگه‌و ئه‌و داواكرياگه‌يليشه هه‌واڵه‌ی لايه‌نه‌يل تايبه‌تمه‌ند كريانه وه‌خاتر له‌وه‌رگرتن ڕی وشوون ياسايی ده‌رهه‌قيان.
ج . أ
