شه‌فه‌ق نيوز/ ريكخه‌ره‌يل ده‌زگاى مه‌زاده‌يل جوليان ئاشكراى ئه‌وه‌ كردن ك سه‌ياره‌گه‌ێ بان وازه‌گه‌ێ مارلين مۆنرۆ ئاساره‌ێ كووچكردگ هۆليۆد نمايش ئه‌را فرووشتن ئه‌كريه‌ێد و نرخه‌گه‌ێ ئه‌ڕه‌سێده‌ 500 هه‌زار دۆلار.

ئى سه‌ياره‌ له‌ساڵ 1956 دروس كرياگه‌و ئه‌را يه‌كه‌م جار له‌ مه‌زاد نمايش ئه‌را فرووشتن ئه‌كريه‌ێد ك شه‌ش ساڵ موڵك مارلين بويه‌.

جى باسه‌، دارين جوليان سه‌رۆك ده‌زگاى مه‌زاده‌يل وت: ئى سه‌ياره‌ به‌شيگ له‌ مێژوو سه‌ياره‌يل نيه‌، به‌ڵكوو له‌وه‌ر خاوه‌نه‌گه‌ێ ئى نرخه‌ وه‌پى دريه‌ێد، چوينكه‌ سه‌ياره‌ێ مارلين بويه‌ ك يه‌كيگ بويه‌ له‌ خانمه‌يل ئه‌فسانه‌يى هۆليوود.