ئسماعيل سابورى هونه‌رمه‌ند فه‌يلى كرماشانى ماڵئاوايى يه‌كجارى له دونيا كرد
شه‌فه‌ق نيوز/ مه‌رگ له شار سلێمانى له هه‌رێم كوردستان كوتايى وه ژيان ئسماعيل سابورى يه‌كيگ له ديارترين هونه‌رمه‌نده‌يل فه‌يلى كرماشانى هاورد ك ده‌نگى نزيكه‌ى نيم سه‌ده له‌گووش لايه‌نگره‌يلێ زرنگيه‌ێده‌و.
وه‌گووره‌ى زانيارى ئه‌وه ده‌ركه‌فت ك ئسماعيل سابورى تويش جه‌ڵته‌ى دڵ هاتگه‌و هه‌ر خوه‌يشى چيه وه‌ره‌و نه‌خوه‌شخانه ئه‌را وه‌رگرتن چاره‌سه‌ر، وه‌لێ له‌وه‌ر خراوى حاڵه‌ت ته‌ندروستيى گيان له‌ده‌سداگه.
سابورى گه‌شته هونه‌ريه ره‌سه‌نه‌‌گه‌ێ له‌ساڵه‌يل هه‌فتاى سه‌ده‌ى وه‌رين ده‌س وه‌پيكرد جوور هونه‌رمه‌ند و ئاوازدانه‌ر، ك زياتر له 100 كار هونه‌رى ديرێد.
ئسماعيل محه‌مه‌د ساڵح له‌ساڵ 1956 له شار كرماشان له كوردستان ئيران هاته‌سه دونياو خوه‌نين له كۆليژ هونه‌ره جوانه‌گان له ته‌هران پايته‌خت له‌ساڵ 1979 ته‌واو كردگه‌و له‌ماوه‌ى وجوودى له ئيران 105 گوورانى تۆمار كردگه وه‌ل بڵاوكردنه‌وه‌ى ئه‌لبووميگ وه‌ناونيشان (سه‌فه‌رنامه‌ى كوردستان) و له هه‌رێم كوردستانيش ئه‌لبووميگ وه‌ناونيشان( بيره‌وه‌ى) تۆمار كرد.
