له‌وچوارچێوه‌ رووژنامه‌ی‌ خه‌به‌ر‌ توركی‌ باس له‌و كلیپ‌ هێلی‌ ڵۆ‌ڤ ئه‌كا و ‌نويسێ: كلیپ گورانی‌ (risk it all)‌ هێلی لۆ‌ڤ ك‌ دويه‌ته‌ كوردێگ باكوور عێراقه‌، فره‌ له‌ كلیپه‌یل تر جیاوازه‌ چوينكه‌ له‌و كلیپه‌ تفه‌نگ هه‌س ‌و له‌تێ ئاڵای كوردستان به‌رزه‌و ئه‌كريه‌ێد و شێریش نمایش ‌كريه‌ێد.

هه‌ر له‌باره‌ی‌ كلیپه‌گه‌‌ رووژنامه‌گه‌ ئاماژه‌ وه‌وه‌ ئه‌كا: شوماره‌ی فره‌ێگ مه‌ردم تماشاێ ئه‌و كلیپه‌ كردنه‌ له‌ ناو ئه‌و كه‌سه‌يليشه‌ باراك ئۆبامای سه‌رۆك ولایه‌ته‌يل یه‌كگرتگ‌ ئه‌مه‌ریكا هه‌س‌، ك له‌ تووڕ‌ كومه‌ڵایه‌تی‌ تویته‌ره‌و‌ تماشای كردگه‌.

هێلی ڵۆ‌ڤ دويه‌ته‌ كوردێگ‌ نیشته‌جای‌ ئه‌مریكاس‌ ك هه‌فته‌ی‌ گوزه‌يشته‌ یه‌كه‌م كلیپ‌ خوه‌ی‌ بڵاوه‌و كرد و‌ ده‌نگدانه‌وه‌ی فره‌ێگ‌ له‌شوون‌ خوه‌ی هاورد.

ا. ج