رێلکە
هەماهەنگی وگەرد تەنیایی خوەد بکە
هەوڵبیە گورانی بچڕێد وەل ئەو ژانە ک لەلیەو بوود
چوینکە ئەوانەی نزیکن لەلید
لە راسی فرە دویرن
یەیش ئەوە خەێدە دەیشت
ک چوڵایی دەورخوەد دەسکردە وڵاوەبوین
لەورا خوەشی وەئوزەڵی خوەد بکە
ک نیەتوێەنێد کەسیگ وەل خوەدا بوەێد
رویخوەشبوو وەل ئەوانە ک خوازین لە دەیشت بمینن
دڵنیا و ئارامبە لە وەردەمیان
شکەنجەیان نەیە وەگومانەیلد
نەترسنەیان وە دڵنیایی وخوەشی خوەد
ک شایەت لەلی نێەڕەسنەو
مینەی هەستەیلیگ سادە و راستەقینە بکە
تا وەپیان بەشداریان بکەێد
گرنگ نیە ئەگەر ئی هەستەیلە ئاڵتشبوون
وەختا کەسایەتیید وەوردی ئاڵشتبوود وگەشە کەێد
وەختا دوینێدەیان باس لە دوسی خوەد ئەرا ژیان بکە
ک شایەت ژیان خوەد نیە
ئاسان بوو وەگەرد پیرەیل
وەگەرد ئەوانی ک لە تەنیایی ترسن
ئەو تەنیاییە ک تو بڕوا وەپی دیرێد
هویچ پیشبینی نەکە ک لەلید بڕەسنەو
بەڵکم باوەڕ وە دوسی بکە
ک ئەراد جوور میراتی گردەو کریەێد
دڵنیا بوو
ک یەک هێزیگ و نیعمەتیگ گەورا هالە ناو ئی دوسیە
تا رادەیگ ک هیلێگەد پشت وەپی بوەسێد لە کۆچکردن تا بتواید
وەبی خواستنیگ ئەرا دەرچگند لەلی .
رینێر ماریا رێلکە
