ناوی پڕۆفیسۆرە ، ژنەگەیش ناوی تۆکیۆس، لە یەکەمین چەوپێکەفتنیان توینێد رزگاری بکەێد، ئەو کارە ک هیلێدەی وەردەوام قەرزاری بوود، پلان دانەێد ئەرا دزی فرە گەورایگ، شوین پارە چاپکردنیگ داگیرکەێد، ودەسکەێدە چاپ کردن دەور ٢،٤ ملیار یۆڕۆ لەماوەی چەن روژیگ، تا ئەوە ئەنجام بەێد، بڕیگ یاسا دانا، وبڕیگ دز پەسەن کرد تا وەلیەو بوون، ک بوینە هەیشت دز، لە ژن و پیاو، ئامانجیان متمانه‌ی خەڵک وەربگرن، ک کارەگەیان کاریگ ئازایانەس، نەگ تاوان.

زەنجیرە ئیسپانیەگە فرە وەناوبانگەو بوی، لەناوبەین تەماشاکەرەیل گشت جهان، وبویە رۆژەفیگ ئەرا باسکردن گەنجەیل.

گورانیەیلی هەمیش وەناوبانگەو بوین، وبڕیگ کەس بڕیار دان ئیسپانی هوکارە بوون تا گورانیەگان لەبەر بکەن، ئی زەنجیرە جیوازی نەیاشت لەو بەرهەمه‌یل هونه‌ری ئیسپانی، لە تاریکردن فیلمەیل سەرنجڕاکێش و نائاشکەرا وتاوان ئەمریکی.

وەلی ئەیە ک دیار داگە جوور خاسترین زەنجیرە لە مێژوو، وەگورەی بڕیگ ک خواستن وەی جوورە هەسەنگاندن لەلی بکەن، چەن ته‌وەرەیل ناگونجیاگ هالە ناوی، ک گرنگە وەیەواشی بنوڕیمنە پی.

یەکیگیان ئەوەسە ک تەکنیک دەنەگە ئەرا قسەی چیرۆک بێژەگە لە فلاش باک هەڵقولانە درامیەگان، تەکنیک خراوەیگە، وفرەجار هاتنی هەڕەمەکیە وک وەناکاوەو تیەێدە ناو دیمەنەگە، جوور فێڵیگ لەبان تەماشاکەر، وەپی بڕوا بارێد وە ئاڵشتبوی تەوەرەیگ لە چیرۆکەگە وەبی کار هونەری.

لە باوەت دەنگ چیرۆک بێژەگە لە سینەما ودراما، ئەگەر تەماشای فیلم Momento (یادگاری) ئەرا کریستۆڤەر نولان بکەیمن، پاڵەوانەگەی لیۆنارد شیلبی کەفیدە شوین چشتێگ، خوەی نێەزانێد چەیگە، چوینکە هەروەختیگ لە خەو هەڵسێد هویچ لە هویری نیەمینێد. لە یەکیگ لە دیمه‌نەگان لیونارد خوەی دوینێد دەو کەێد، ئیجا لەخوەی پرسێد، یە من چەکەم؟ وەیەگجاو یەکیگ دوینێد شانوەشانی دەوکەێد لەپشت قتارەیل، ئویشێد ( نەمە رەت ئی پیاوە)، پیاوەگە وەرەو پی تیەێد ودەوانچەیگ هاوەدەسیەو، ئیجا لیونارد ئویشید ( بەڵکم ئەو نەیگە رەتموە)، ئیجا لەپیاوەگە واێد.

رۆمان نووسەگە یا سیناریستەگە، لەیرا فرە سەرکەفتگە، ک گرنگ نیە قسەگانی راس بوون، چوینکە خوەی ئەو قسەیلە کەێد ک ئەو وەختە دوینێدەی، ک لەورا لیونارد درو ئەرا ئیمە نەوەت،بەڵکم لەبان خوەی درو دیاد، ک راسیەگە نێزانێد.

یەکیگ لە گرنگترین رێسای سینەما ودرامای تەلەفیزیۆنی ئەوەسە ک دیاری بکە و نەویشەوەی ، Show, Don’t Tell، ئەوە ک لە زەنجیرەی ماڵ پویل دیمنەی فرەگەی وتەوەی.

لە لایگ تر، کەسایەتی پڕۆفیسۆر لەلایەن تەماشاکەرەیل جوور زیرەکترین کەسایەتیە لە مێژوو کارەیل تەلەفیزیۆنی، هەرچەن رەفتارەیل شیتانە کردیاد، ک لەلی دەرکەفتیاد هەر زیرەک نیە، جاروبار لەلای تەماشاکەر زیرەکی نووسەر و زیرەکی کەسایەتیەگە تێکڵاو بوود.

پڕۆفیسۆرەگە دەسکەیدە وەجیهاوردن پلانیگ گەورا، دویای گردەو کردن هەیشت تاوانبارەگە، ک ژن و پیاو هاناویان، ئەرایان باس پلانە فرە توکمەگەی کەێد، ئەوان گشت ژیانیان کار ئەرا مشتیگ دۆلار کەن،ک بەشیان نیەکەێد، ئیسە تەنیا پەنج مانگ کارکەن، ئەرا وەدەس هاوردن ئەوەگ بەشیان وبەش توخمارەیان بکەێد. لەیرا تاوانبارەگان ئاو دەمیان تێدە خوار، پرۆفیسۆرەگە بڕیگ مەرج و یاسا دیرێد، یەکیگیان ک بایەسە پەنج مانگ لەیەک شوین بمێنن تا پلانەگە مسۆگەر بکەن، پەنج مانگ قەت وەخت كه‌مێگ نیە.

پرۆفیسۆرەگە، پەڵپ گرێد ک بایەسە هەرکەسیگ لەنوای گشت، ناو نهێنیگ داشتوید، ناو شارەیل جهان ئەرا خوەیان پەسەن کردن، تۆکیۆ بەڕلین ،مۆسکۆ، ریۆ. دویەم یاسا ئەوەسە ک لەمەوقەی جیوەجیکردن پلانەگە خوین نەڕشنن، ئیجا یاسا گرنگەگە دانەێد ک پەیوەندی دڵداری ناوبەین دزەگان قەیەغەس، تا کۆتایی ئەرکەگە، ک ئەوە پەڵپیگ ناگونجیاگە ئەرا بڕیگ ك تا پەنج مانگ لەیەک شوین گوزران بکەن.

وەگەرد یەکەمین ئۆپراسیۆن، یەکەمین یاسا پێشەل كریه‌ید، ک توکیۆ و ریۆ کوڕ و دویەتیگن، قەیرانیگ دروس کەن، وەختا دەرکەفێد ئەوەگ هالە ناوبەینیان لە دزی فرەترە، ئیجا پڕۆفیسۆرەگە خوەی کەفێدە خود فاقەگە، وەختا کەفێدە پەیوەندی دڵداری وەل ژنە وەرپرس پۆلیسیەیل لەبان ئۆپراسیۆنەگە ک پڕۆفیسۆرەگە دەسپێشخەریی کەێد. نە هەر ئەوە، وەدریژایی زەنجیرەگە فرە هەڵە دوینیمن، وفرە رەفتار لە پڕۆفیسۆرەگە ک دەرکەفێد زیرەک نیە، و بڕیگ کەسایەتی نێزانیمن ئەرا کوو چگن، وه‌ نێخوازیمن زه‌وق تەماشاکردنی بشیونیمن ئەرا ئەوانەگ هیمان تەماشای نەکردنە، وەلی ئەیە گشتی وەکەڵەکە بویە ئەنجامیگ ک فرە فرە له‌ تەماشاکەرەیل وە خاسترین زەنجیرە ناوی بووه‌ن.