كه‌ڵهوڕی له‌باره‌ێ به‌رهه‌مه‌ نووه‌گه‌ێ وه‌ "شه‌فه‌ق نيوز" وت: گورانييگ نيشتمانی وه‌شێوه‌زار سۆرانی ئه‌ڕا كوردستان وه‌گشتی و كۆبانی وه‌تايبه‌تی چڕيمه ك كار كليپه‌گه‌يشێ كووتايی وه‌پێهاتگه‌و وه‌ی نزيكه‌يله‌ بڵاوه‌و بوود.

زياتريش وت: تێكست ئی به‌رهه‌مه‌ "ئه‌حمه‌د محه‌مه‌د" نويساسه‌ێ و ئاوازه‌گه‌ێ هن خوه‌مه‌، كار دابه‌شكردن موزيكيشێ "حسێن ئه‌بوگلو" و "كاوه‌ كاوانی" ئه‌نجامێدانه‌. سه‌باره‌ت وه‌كليپه‌گه‌يش وت: كليپه‌گه‌ له‌ ده‌رهاوردن "مه‌هدی ڕه‌زا"س و وه‌سپۆنسه‌ر كه‌ناڵ ئاسمانی كه‌ركوك به‌رهه‌مهاورياس.

جێ باسه‌، ده‌شتی كه‌ڵهوڕی به‌شێگ له‌ كليپه‌ تازه‌گه‌ێ له‌ بان په‌يج تايبه‌ت خوه‌ێ له‌ تووڕ كومه‌ڵايه‌تی فه‌يسبووك بڵاوه‌و كردگه‌سه‌و بڕياره‌ وه‌ی نزيكه‌يله‌ كليپه‌گه‌ وه‌تايبه‌تی په‌خش و بڵاو بكريه‌ێده‌و.

ا. ج