عاشقه‌گه‌ی په‌رواز ره‌وانه‌ی نه‌خوه‌شخانه كريا
2013-05-12 10:33:24
عه‌لامه وێنه‌یگ خوه‌ی بڵاوه‌و كردگه ك وه‌ل دكتۆره‌يل گرتگه‌سه‌ی ئه‌ویش له‌شوون تويشبوينی وه نه‌خوه‌شیيگ كت و پڕ له دويای ته‌واوبوين به‌رنامه‌گه‌ی "ARAB IDOL".
عه‌لامه له تویته‌ر خوه‌ی نويساس"دويای به‌رنامه‌گه هس وه ژان فره‌ێگ كردم و وه‌ل دكتۆر نادر هاوڕێم سه‌ردان نه‌خوه‌شخانه كردم و له‌وره ده‌رمان دانه پيم.
عه‌لامه سپاس هه‌واداره‌یلی كرد و وتیش "له نه‌خوه‌شخانه ده‌ركريام و ئيسه خه‌ريك رێنماییه‌يل دكتۆره‌يلم.
جێ باسه له سه‌ره‌تای پرۆگرام عه‌ره‌ب ئایدۆڵ هونه‌رمه‌ند راغب عه‌لامه خوه‌ی وه هه‌وادار په‌رواز حسێن ناسان و له پرۆگرامێگیش چه‌ن وشه‌یگ كوردی وه كارهاورد و وتیش" من عاشق ده‌نگدم".
ا. ج
