هونه‌رمه‌نديگ مسرى ماڵئاوايى يه‌كجارى له دونيا كرد
2020-05-30 09:42:28
شه‌فه‌ق نيوز/ ده‌مه‌و شه‌وه‌كى ئمڕوو شه‌ممه، هونه‌رمه‌ند ناودار مسر حه‌سه‌ن حوسنى، دوياى وه‌سه‌ربردن ساڵه‌يل فريه‌يگ له شانۆ و سينه‌ما و ته‌له‌فزيۆن وه سه‌دان كار، ماڵئاوايى يه‌كجارى له دونيا كرد.
له‌ى باوه‌ته‌و، ماڵپه‌ڕه‌يل مسرى هه‌واڵ مردن هونه‌رمه‌ند گه‌ورا حه‌سه‌ن حوسنى بڵاوكردن له ته‌مه‌ن 89 ساڵ له نه‌خوه‌شخانه‌ى دار ئه‌لفوئاد له‌ئه‌نجام نه‌خوه‌شى دڵ.
حوسنى له ته‌شرين يه‌كه‌م له‌ساڵ 1931 هاته‌سه دونيا و له خوه‌ندنگا ده‌س وه شانۆ كردگه‌و چه‌نه‌ها خه‌ڵات وه‌رگرتگه‌و دوياى ئه‌وه‌يش چيه‌سه ناو تيم شانۆى سه‌ربازى و دوياخريش چيه‌سه ناو تيم شانۆيى قه‌ومى و به‌شدارى له چه‌نه‌ها كاره‌يل ته‌له‌فزيۆنى و سينمايى گرنگ كردگه وه دريژايى ژيانى.
