ڤستیڤاڵ فلم فه‌جر كوتایی وه‌پێهات
له ڕێ و ڕه‌سمێگ ك له ساڵون وه‌حده‌ت تاران سازكریا ، خه‌ڵات خاسترین ده‌راوه‌ر به‌خشریا فاروق حاجى حافز ئوغڵو و وفلم (قاچاخچى یا چه‌ته‌گان وه‌فر).
عه‌لى جه‌نه‌تى وه‌زیر كولتوور و ئرشاد ئسلامی ئێران له ڕێوڕه‌سمه‌گه ووت : له بان ئێ خاكه ك خاوه‌ن میراتێگ هه‌زاران ساڵه‌ێ كولتووری و شارستانییه ، كولتوور و هونه‌ر و سینه‌ما ته‌نیا وه‌تێكه‌ڵ بوێن و وه‌یه‌كه‌وه بوێن ملله‌ته‌یل وه‌ره‌و نوا چوگ.
هه‌ر له چوارچێوه‌ێ ئه‌و ڤستیڤاڵه ، خه‌ڵات خاسترین فلم به‌خشریا فلم (سیدهارس) ك له لاێه‌ن (ڕێچیه مه‌هتا )یه‌وه وه‌هاوبه‌شى هند و كه‌نه‌دا ده‌رهاوریاگه و خه‌ڵات تایبه‌ت لوجنه‌ێ داوه‌ره‌یلیش ، به‌خشریا ئه‌میر حوسه‌ین عه‌سكه‌رى ك فلم (بێ سنوور) ئاماده كردێه.
هه‌میش خه‌ڵات تایبه‌ت مسته‌فا ئاكداغیش ك ساڵانه له چوار چێوه‌ىِ ئه‌و ڤستیڤاڵه به‌شه‌و كرێه‌ێ ، به‌خشریا ده‌راوه‌ر فلم( شاژن چیاگان )، له ده‌راوردن قرقیزى سادق شه‌رنیاز.
ئه‌و خه‌ڵاته‌یله ك له چوار چێوه‌ێ پانوراماێ ، خوه‌ر هه‌ڵات به‌شه‌و كریا وه‌ێ جوره بوێ.
خاسترین فلم : نورژمان – بایانه ڕوول – چین.
خاسترین ده‌راوه‌ر : نه‌بات – ئه‌لچین موسائوغڵو- ئازه‌ربایجان.
خاسترین سیناریو – له جه‌هان تو سه‌عات چه‌نه ؟ سافی یه‌زدانیان – ئێران.
ڤستیڤاڵ فه‌جر 25 نیسان ده‌سكرده‌پێ و وه‌گشتێ له 55 وڵات جه‌هان فلم و دوكومینتارى و كورته فلم نمایش كریا.
ج ك
