خانه‌قى و هه‌ولێر و ده‌وروه‌رى. ئى هووزه له‌بان ئه‌شره‌ت ئه‌ركه‌وازى شماریه‌ن ،وه‌لى دویره‌و كه‌فتنه له‌ئه‌شره‌ت خوه‌یان له وه‌ڕیه‌وبردن كاروبار تایبه‌تیان ، ك ئه‌یانه‌یش سێ به‌شن:
* به‌ولى هاشمخانى: شماره‌یان 500 ماڵ بوى و سه‌ر وه‌ناوچه‌ى (كیله)ن.
* به‌ولى زیره‌ك: شماره‌یان 100 ماڵ بوى و په‌یوه‌ندى وه‌ل والیا داشتن.
* به‌ولى ته‌هماسب خانى: شماره‌یان 250 ماڵ بوى و ساوسانان روى كردیانه ناوچه‌یل هنگام و چه‌وار و فه‌یرووز ئاباد و نه‌بد ، زمسانیش له ناوچه‌ى خسره‌و و شیرین.
وه‌ل ئه‌وه‌یشا نزیكه‌ى 150 خیزان له‌لیان له‌هه‌ولێر و ده‌وروه‌رى ژیان و تاوسانان روى كردیانه باشوور باله‌ك و زمسانیش چیان وه‌ره‌و قه‌زاى كۆیه ، ك ئه‌وانیش بوینه‌سه دو تایفه‌وه: (مزه‌فه‌روه‌ند) ك ئى تیره‌یله گریگه خوه‌ى:
بیگه‌وه‌ند: له‌ئاوایى قوبله‌ى جگه‌ر به‌ولى.
كه‌مه‌رى: له‌ئاوایى میرمه‌كان.
ده‌وریش غنه: له‌ئاوایى داره‌توى
كیه‌نگ سیه: له‌ئاوایى سه‌رته‌نگ بیجار.
(كه‌ركوڵوه‌ند) ك په‌نج تیره دیریگ:
ڕیزه‌وه‌ند: له‌ئاوایى سه‌رجه‌ملو.
كوچه‌ك: له‌ئاوایى چه‌مه‌ن به‌ولى.
مونیروه‌ند: له‌ئاوایى ڕیزه‌وه‌ند.
تایفه یا هووز به‌ولى تیره‌یل تر دیریگ ك نیشته‌جى ناوچه‌یل مه‌نه‌لى و به‌غدان ، له‌وانه‌یش :
خه‌فه‌ر به‌ولى و حاج میرزا: ك ناوچه‌ى قه‌ڵه‌م حاج بوینه له مه‌نه‌لى.
حاجى ڕه‌حیم و حاجى بازك و عه‌باس خان دارا: ئه‌یانه له‌ناونى سومار و ئه‌ركه‌واز نیشته‌جى بوینه.
بیكه‌وه‌ن و كه‌ره‌مى و میه‌خاس: ئه‌یانه‌یش له قه‌زانیه‌ى سه‌ر وه‌ناوچه‌ى مه‌نه‌لى نیشته‌جى بوین.
حاجى شه‌مه‌و عه‌لیجان خانى: له‌به‌غدا نیشته‌جى بوین.
له‌ساڵه‌یل هه‌فتا هه‌ردوگ شێخ سه‌رۆك هووز به‌ولى (جه‌لیل) و (محه‌مه‌د عه‌لى) له به‌غدا چه‌ویان كه‌فته یه‌كترى و ڕخیان له‌وه چى ك حكوومه‌ت عراقى هه‌وڵ ده‌ركردنیان به‌یگ له‌ناوچه‌یل ڕه‌سه‌ن خوه‌یان ئه‌را شوونه‌یل تر ناخود عراق. له‌وه‌ر ئه‌وه ناوچه‌گه‌یان نزیك مه‌رز بوى ، هه‌وڵ و ته‌قلاى فره‌یگ دان تا ڕه‌زامه‌نى حكوومه‌ت بارنه ده‌س و له‌شوون خوه‌یان بمینن.
