جوور ره‌شوه ، وه‌كار بردن خراو نفوز و ده‌سڵاتداری ، پویلداری ناياسايی ، اختلاس ، وه‌كار خستن قه‌وم و كه‌س و كار له پۆست یا مه‌نسه‌به‌یلیگ له ئاست یا مستوایان نیه ، خراوكردن دارایه‌یل گشتی ، ده‌س نان له‌بان دارایه‌یل كه‌سیگ تر و بردنی ، چاودیری له‌كه‌س و كار له‌وه‌راوه‌ر دزی و ده‌سدریژی له‌بان هه‌ڵوژاردنه‌یل ... گه‌ناته‌كاری ئیداری ، ره‌فتاره‌یل نا ئه‌خلاقیگه ك له‌لایه‌ن بڕیگ له‌كارمه‌نده‌یل حكوومه‌تی له ناو ده‌زگای ئیداری و ده‌یشت ئه‌ی ده‌زگا جیوه‌جی ئه‌كریه‌یگ ك بووده بایس دویره‌وكه‌فتن ئه‌و ده‌زگا له ئامانجه‌یل خوه‌ی و ته‌قالا ئه‌را وه ده‌س هاوردن به‌ره‌ژوه‌ندیه‌یل تایبه‌ت كارمه‌نده‌یل . وه‌ختیگ كارمه‌ندیگ پۆست ئیداری خوه‌ی وه‌شیوه‌ی خراویگ وه‌كار بوه‌یگ وه ئامانج سه‌رخستن به‌رژه‌وه‌ندیه‌یل تایبه‌ت جوور بردن ره‌شوه .
گه‌ناته‌كاری ئیداری مانای تره‌كیگیش دیریگ : كه‌می توانایی ئه‌را جیوه‌جیكردن كاره‌یل و وه‌كار بردن خراو به‌رژوه‌ندیه‌یل ئابووری و رۆتین كورسی و كاره‌یل به‌ڵگه‌یی و وه‌كار نه‌بردن ده‌زگایل تازه ئه‌را چاودیری و وه‌ده‌س هاوردن زانیاریه‌یل له ده‌زگایل كه‌رت گشتی و تایبه‌ت گشتیان گه‌ناته‌كاری ئیدارین .
گه‌ناته‌كاری ئیداری تويه‌نیم وه شیوه‌ی به‌شه‌و بكه‌یم :
گه‌ناته‌كاری ئه‌خلاقی ، ره‌فتار ئیداری كارمه‌ند حكوومه‌ت ك پۆست خوه‌ی وه شیوه‌ی ناياساييگ وه‌كار ئه‌وا ئه‌را وه‌ده‌س هاوردن به‌رژوه‌ندیه‌یل تایبه‌ت خوه‌ی ، ك ئه‌ی جوور گه‌ناته‌كاریگ له زیاتر وڵاته‌یل جه‌هان وه تایبه‌ت وڵاته‌یل جه‌هان سيۆم وه‌چه‌و ئه‌يه‌‌یگ و حكوومه‌ت عیراقی له خه‌ته‌ر ئه‌ی گه‌ناته‌كاریه ئاگاداری په‌یا كردگه و ته‌قالا ئه‌كا ئه‌را خاسه‌وكردن كار كارمه‌نده‌یل و پاكه‌وكردنی ئه‌وه‌یش له‌ڕیگه‌ی زیایه‌وكردن موچه یا راتبیان .
جوور دیوم له گه‌ناته‌كاری ئیداری گه‌ناته‌كاریگه ك كارمه‌ند حكوومه‌ت ناچاره‌و بوود ئه‌نجامی بیا و ئه‌ی كاره وه‌ده‌س خوه‌ی نیه ئه‌وه‌یش وه‌خاتر بارودوخ ژینگه و له كاركه‌فتن ده‌زگایل ده‌وڵه‌ت و هان نه‌یاین هێزه‌یل چالاك و .... رۆتین به‌ڵگه‌یل و كورسیه‌یل و نه‌بوین ده‌زگایل تازه ئه‌را سه‌رخستنكاره‌یل جوور كامبیۆتر و پۆست ئه‌ليكترۆنی و چشته‌یل تر له نیشانه‌یل ئه‌ی جوور گه‌ناته‌كاری ئیداریه‌نه .
