ئاگر وه‌گيانم ئمشه‌و
2011-10-26 11:54:35
***
دڵ بێ په‌نام ديل زندان ده‌رده ئمشه‌و
سينگم لێوايلێو هه‌ناس سه‌رده ئمشه‌و
ده‌سه‌و زرانی ته‌نيا كز كردمه له كۆنجێگ
ڕه‌نگ ڕوخسارم بێ ت چوی به‌ی زه‌رده ئمشه‌و
***
گه‌له‌كوومه‌ی خه‌مه‌يله‌و ئاگر وه گيانم ئمشه‌و
ئاواره و ده‌روه‌ده‌ر گووشه‌ی شارانم ئمشه‌و
بێكه‌س و بێ فرياڕه‌س له ناو ئی كه‌لاوه
له سه‌ر زه‌مين خوسه وێڵ و وه‌يلانم ئمشه‌و
***
بڕه‌س وه‌دادم ساقی حاڵم خراوه ئمشه‌و
مه‌سم بكه وه جاميگ له ئه‌و شه‌راوه ئمشه‌و
وه نه‌زر باده‌و مه‌ييد ده‌رمان هه‌ر چه ده‌رده
هاوخه‌م ده‌رده‌گانم كويه‌ێ په‌ڕاوه ئمشه‌و
