ئایه‌ته‌یل كوردیاتى پف بكه‌ گیانم

شایه‌ت له‌ عشقد تووزیگ هووكاره‌ بووم

پیرووزه‌گه‌م

نماز كردن ئه‌را نیشتمان نیشانم بیه‌

رى و ره‌سم په‌ره‌سین

ره‌سم و رسووم شه‌هاده‌ت

و چوین په‌رستگا جوانه‌گه‌م دروس بكه‌م؟!

پیرووزه‌گه‌م

وه‌ ئاو ده‌سنماز گردند چه‌ورم بكه‌

وه‌ ناو نیشتمان و خوه‌نین وگیان كوردستان بشووره‌م

چوینكه‌ من كوورپه‌یگم له‌ بێشكه‌ى بڵیند

له‌یلاى شه‌هیدم

ئه‌ى ئایه‌ت وه‌فادارى له‌ ناو كتاو بارزان

نه‌وه‌یل كاوه‌ ئه‌را قامه‌تد چه‌میان

ئه‌ى ئه‌و مانگه‌ ك له‌ ئاسمان كورد ئاوا نیه‌وگ

ریگه‌ى سه‌ربه‌رزى گردیده‌ وه‌ر

ریگه‌ى ئیمه‌یش مه‌حاڵ له‌تى نیه‌