ئه‌ڕا تونی که دی دوست نه‌یرم
2010-05-04 14:00:03
هه‌رچی یاده وه یاد بردمه دی
دامه‌سه‌ی ده‌س وا
گومی کردمه وه یه‌ی جار
من له‌شونت بیم
ئه‌و وه‌خته که پیڵ ئه‌زره‌ته‌یلم ڕمانی
دڵم گردویمه ناو ده‌س
وه خه‌یاڵ دو چه‌و مه‌س
وه‌نگ و گیژ بیم وه‌ی کاره
دڵ خوه‌ش بیم
من بیچاره
وه خه‌نین گوڵ من خه‌نیم
ئه‌ڕا که‌پو دڵ شکیاگی گریام
سه‌وزی ئه‌ڕام وه‌هار بی
ئاسمان متمانه‌ی زنه‌یی
له ناو چه‌و هاوساگه‌مان توانستم
شادی و خوسه بوینم
هه‌رچی چشته ره‌نگ خوه‌ی داشت
تو ڕمانی پیڵ ئه‌زره‌ته‌یلم و
هه‌رچی داشتم که فته ئاو
من مام و ده‌س خالی و
یه‌ی مشت سه‌راو
ساڵه‌گان باڵه‌و گردن و چین
چه‌وم واز کردم دیم هامه لات
لای تونی که دی دوست نه‌یرم
