بایه قوش
وه تم بایه‌قوش ، هاوراز ده ردم
ته نیا دوسه گه‌ی ، شه‌وه‌یل سه‌ردم
ت زانی په‌ی کی ، شیت و دیوانه‌م ؟
ئه یو له وینه شه‌م ، م جوور په روانه‌م؟
ت زانی را کی ، وینه‌ی فه‌رهادم ؟
له دار دونیا ، م وه‌کی شادم ؟
ت زانی کیه، کردیه ئه‌سیرم؟
له عشقی دونیا، چیه له هیورم ؟
ت زانی مه‌جنون، کام بالا به‌رزم ؟
له ته‌نیای هه‌ر شه‌و، تا وه سوو له‌رزم ؟
ت زانی ئرا ، بیاوان گه‌ردم ؟
له وینه‌ی خه‌زان ، دایم ره‌نگ زه‌ردم؟
وه‌ت: بنور وه حال زار و خه‌مینم
فه له‌ک جوور سه‌یاد ، هاده که‌مینم
ئاسایش نه یرم ، نه رووژ و نه شه‌و
ساتی دل خوه‌شی ، م نه‌یمه وه چه‌و
هه رکه س یه‌ی ده‌ردی، وه‌پی دوچاره
هه رکه س وه دامی، هه م گرفتاره
بی ده ردی نیه ، له ناو ئی دونیا
یه کی پادشاس، یه کی هه م ته نیا
پادشا و ته نیا، له وینه یه‌کن
هه‌ردو گرفتار ، کار فه له‌کن
تنیش وه یه‌ی جوور، گرفتار بیوده
ئه‌سیر تال، زلف یار بیوده
دل خوه شی نه‌یری ، نه گه‌نج نه شاهی
نه تاج و نه ته‌خت ، نه پادشاهی
جه‌لال کوهی
