خـودایا شیت یـــارم، چه‌بکه‌م وه‌‌ ده‌س خـوه‌م نییـــه

باڵا بـــه‌رز و چـه‌وسیــــه‌س، دويه‌ت کرماشانییـــه

باڵای وینــــه‌ی دار چنار لـــه‌ناو باخـــــان دییـــاره

پرشـه‌ی چــه‌وی منیــده پرشه‌ی مانگ و هه‌ســـاره

ڕه‌نگ لیوه‌یـــلی وینـــه‌ی، ره‌نگ گوڵــه‌یل باخــــه

وه‌ختی خـه‌نی ئی دڵــــه، ئـه‌ڕای ماچـی وه‌داخــــه

دو په‌لـکه‌ی شووڕ زوڵفـی، وینـه‌ی دو مار سییــــه

تا بام ته‌مـــاشـــای بکـــه‌م، ســه‌ر دڵـــم گـه‌سییــــه!

کراس کوردی وه‌ری، سه‌روه‌نیــه‌گــه‌ی بان سه‌ری

ئایه‌م وه هه‌یرانی بوود، ئــه‌ڕا سوخمه‌گــه‌ی وه‌ری

ته‌نیا هـه‌ر وه‌ خـوه‌ی که‌فی، کوردی له وه‌ر کردنی

ترســـــم یـــه‌‌ســـه وه‌ نــازی، مــــاڵ دڵــم بـڕمنـی

وه‌ختی ك هه‌ڵپه‌رکه‌ که‌ی، یا وه‌ختی چووپی کیشی

خــه‌وه‌ر نه‌یری وه‌ له‌نجه‌ی، ئـی دڵ منه چه‌ کیشی!

قـه‌سه‌م وه‌ی بیستـۊنـــه، وه‌ی تـاق تاقـوه‌ســـانـــــه

له‌ وینــه نه‌یری یارم، چوون دويه‌ت کرماشــــانـــــه

جانی کرماشانی