دڵداری سەخت نیە
گشت مانیگ
خوین رشنم
بەڵکم نێەمرم
چووین نەومە ساحر.
....
دڵداری سەخت نیە
ئیمە دڵ سەختیمن
دڵداری بازی نیە
ئیمە دڵداری کردیمنە بازی.
....
من موزەخانەیگم پڕ لە هونەر
وەلی چەوەیلد بەسیانە.
....
نووڕیە پیم و گیری
گشت چشتیگ ژانە
باووش کەمەپید و فچنم
بەڵکم گشت چشتیگ دەرمان کریەێد.
....
ئەو شەوە دویای چگن تو
لە خەوە بویم و شکیاگی
و تەنیا شوونەگە ئەرا داناین پارچەیلم
ئەو پەنام ژیر چەومە بوی.
....
بی خودە
ئەگەر خوەشم توای
یا هویرم کەی
یا خوازیدەم
بی خودە
هەنای هیچ نیکەی
تا لەشانم بوی
ئەگەر نەکەێدەمە دووسی ژیاند
بوومە
زرەد ژیاند.
....
دڵ ئایەم چ وە هێزە
رمانن لە شوون رمانن وەخوەی دوینێد
وگەرد ئەوەیش
هیمان ژیان کەێد.
....
ریەگەیان وەرەو چگن
ئەو ریە
باس گشت چشتیگ کەێد
....
هەنای توڕە بووم
نێەقیژنم
بەڵکم سزیەم
بی گومان توویش دوینیدەم هەنای دڵم شکیەێد
خوسە نێەخوەم
بەڵکم شکیەم.
....
پەنجەیلد پیچداید
لەدەور پرچم و کیشایدوەی
و هەر لیوا
مۆسیقا
لەلیمەو دەرچوود.
....
ئەوەنە خوەشم لە خوەم تیەێد
هووکارە بووم
چوون
خوەش ئەو بتوام.
....
گشت شۆڕشیگ
دەسکەێدە پی
و کۆتایی تیەرێد
وە لیوەیلی.
ـــــــــــــــــــــــــــــــــــــــــــــــــــ
رۆبی کور، خانمە شاعیر کەنەدی