هامە تەمای دیدە مەسێ
ک مینای عمرم ها دەسێ
یەی خوەش ئەنام سان دڵی
بایدوو وە هانام بڕەسێ

هۊر چەوەیل کاڵێ کەم
چەو گل دەم و مەی خاڵێ کەم
لەپ کوتمە دەور خوەمەو
چۊ شێت منەی خێیاڵێ کەم

چیدوو خسیدە کووس م
خەم بۊە هاو منووس م
دێرێ یە باوەڕم بوودن
خەمە ک دێرێ دووس م

بەورەو دجارە چەومەسم
ک ناهمێد و بێ کەسم
خەو لە چەوم فڕ کردێیە
وە هۊر هۊرد چەو بەسم

بەخت م هەڵکزانیدن
جەرگ و دڵم سزانیدن
کوچگ ئەڵگرتیدو خسی
مانگ شەوم ڕزانیدن

ئاخر یە کەی دڵە دیری
نییە یە تاب ئەسیری
یەی ڕووژ پەشیمانەو بۊدن
تیەید و چۊ ئەور تەڕ گیری
ئەسرین شەفیعی