ســـــەونزە جــارتر بـــەوە ناو خـــــەوم

تا پاو پێــــــڵاگەد بــنەمـــە ناو چـــەوم

ســــەونزە هـــاتە دەر سەونزەی خرامان

دڵـــم کەفــتە دام خــــودا ســـەد ئامان

سەونزەی باڵا بــــــەرز قسیە وە ناز کەر

هاتە ناو خـــەوم ،خــەم لە دڵ واز کەر

سەونـزە خێـــــاڵێ کۊوەی ســـــەرکەشە

داێــــەم لـــە وەســـڵێ دڵــــم بێ بەشە

سەونزەی سەونز لەوەر چەو وێنەی ئنار

باڵای وێــــنەی نــــەی چــــۊ بەرزە چنار

ســــەونزە جــــارتر بـــوو وە مـــــێوانم

تا گەر ســــەونز بکـەن گوڵەیل لە گیانم

خوەزیەو وە هەر کە ســــەونزە هاشانێ

چمان وای وەهار وەر کــــــــەیدە گیانێ

داســــەم وە تاڵان دەم چــــۊ گـــــــوڵد

م بـــووم وە نەزر خـــــاڵ لای مــــــــلد

هــــەر کەسێ ســــەونزە ها لە ناو ماڵێ

خــــــودا خــــوەی گرتیە لە ژێــــر باڵێ

سـەونزە نازارە جـــــوور دار ڕێــــــژاو

دەمــــێ گوڵــباخی گـــــوونای پڕ لە ئاو

سه‌ونزە گیان خوەد لە ماڵ بەوە دەیشت

شــــار خـــــیاڵم بـــــکە وە بهــــــەیشت

 مەهوەش سوڵەیمانپووڕ