له‌ ئه‌‌ور ئاسمان و ته‌‌مته‌‌مه‌‌لویل

كه‌‌مێ  ئاهوو بووارن شان وه‌ شانم

 

ئاهوو٢

 

له‌ لاێ  زلمَاته‌‌گه‌‌ی ئێ  پیره‌ داره‌

م ده‌‌ێری یه‌‌ێ  چراخم چه‌‌ن شه‌‌واره‌

مه‌‌گه‌‌ر وه‌ شه‌‌و چه‌‌وه‌‌یلد ڕووشنه‌‌و بووم

هه‌ چوى ئاهوو غه‌‌ریبێ  له‌‌ێ  حساره‌

 

ئاهوو ٣

 

په‌‌شیوێ  وه‌‌ڵنگه‌‌گان داره‌‌گانه‌

هناس ئه‌‌زره‌‌ت ئاوارا‌گانه‌

چه‌‌نێگه‌ مه‌‌ى چه‌‌وه‌‌یل زامند كه‌ێ

دڵم ئاهوو غه‌‌ریب شاره‌‌گانه‌

 

ئاهوو 4

 

چه‌‌نێگه‌ چوى مه‌‌لویچگ وه‌‌یل و چه‌‌یلم

م ده‌‌ێرى داخه‌‌گه‌ێ  باوان له‌‌یلم

سه‌‌یادێ  تا وه‌ سوو ها شوونم ئمشه‌‌و

هه‌ چوى ئاهوو وڵات بێكه‌‌سه‌‌یلم

 

ئاهوو 5

 

هه‌ناێ  سروه‌ێ  خه‌یاڵێ  تێ  شروو كه‌ێ

دڵم چوى ئه‌‌وره‌‌گان مه‌‌ى ئه‌‌سر نوو كه‌‌ێ

خه‌یاڵ ئاهوو بێكه‌‌س تیه‌‌رێد و

وه‌ ئزن ئه‌‌و چه‌‌وه‌‌یله‌ له‌‌ێره‌ كوو كه‌‌ێ

 

ئاهوو6

 

ئه‌‌گه‌‌ر زوى هاتمه‌ یا گه‌‌ر  گ دێره‌

وه‌ ئزن ئه‌‌و چه‌‌وه‌‌یله‌ هامه‌ ئێره‌

وه‌ ڕاسى زانسى چوى بێكه‌‌س ئاهوو

چه‌‌وه‌‌رێ  چه‌‌و تنم له‌‌ێ  گه‌‌رمه‌‌سێره‌ ؟!

 

ئاهوو ٧

 

له‌ ناو ئێ  پایزه‌‌یل پیره‌ ئمشه‌‌و

دڵم چوى ئه‌‌وره‌‌گان دڵگیره‌ ئمشه‌‌و

وه‌‌تم چه‌‌و تر ئڵالێ  راێ  زه‌مانه‌‌ت

له‌ نوو ئاهوو خێاڵم گیره‌ ئمشه‌و

 

ئاهوو ٨

 

توام ئاواره‌ بووم و بیقه‌‌رارێ

هه‌ چوى ته‌‌نیا كه‌‌پوو وه‌‌یل وه‌‌هارێ

دڵم نه‌‌زر چه‌‌وه‌‌یلێ  كه‌‌م گ شایه‌‌د

هناس ئاهوو هویرێ  بوارێ

 

ئاهوو ٩

 

توام ئاگر وه‌ كووڵ و پا به‌‌سێ  بووم

شه‌‌كه‌‌ت راێ  عه‌‌تر چه‌‌و هاناڕه‌‌سێ  بووم

دڵێ  ئه‌‌وریشم سه‌‌وز وه‌‌هاره‌

قه‌‌بوولم كه‌ێ  گ ئاهوو بێ  كه‌‌سێ  بووم ؟!

 

ئاهوو ١٠

 

نه‌ ‌خوه‌‌ر ده‌‌ێدن ، نه‌ وارانه‌،‌ نه‌ ‌ئه‌‌وره‌

دڵم بێ  ت ئه‌‌سیر موڵك جه‌‌وره‌

م ئاهوو ، شه‌‌و به‌‌ساێه‌ رێ  ته‌‌كانم

سه‌‌یادم ها له‌ قه‌ێ  ئێ  تاش كه‌‌وره‌

 

ئاهوو ١١

 

هه‌‌مویشه‌ عه‌‌تر جاران ت وارێ

شكووفه‌‌ى شه‌‌وق داران ت وارێ

ئه‌‌گه‌‌ر ئاهوو خێاڵم چویزه‌ ده‌‌یدن

سه‌‌فاێ  سه‌‌ز وه‌‌هاران ت وارێ

 

ئاهوو ١٢

 

دڵم بێ  چه‌‌و  میه‌‌رێ  كه‌‌و  چرچگێده‌‌و

نیه‌‌ئارمیه‌ێ ، له‌ ناو  خه‌‌و چرچگێده‌‌و

هه‌ چوى ئاهوو په‌‌شیوێ  بێ  ت ته‌‌نیاس

له‌ سارووكى سیه‌ێ  شه‌‌و چرچگێده‌‌و