منیش چوی مەجنوون،

چوی فەرهاد و مەم

چوی ئاشقەیل دنیا سەرجەم

ئاخ دويری  یار هەڵکێشم

ئرمس رشانن پەیەڵ پەی

رپەی بی وچان دڵ تا کەی

داخ هەڵکیشان ناتەمام

شەویل بێ مانگ و بی سەقام

لە دويری یار بویەسە بەشم

نیەزانم بایس تا کەی

هەر  رووژ

ئاخ داخ

گیانم بتیەونێ

هەناس سەرد

وجوودم بخنکنی

نیەزانم

تا وەکەی

دەس زرانی وگۆڵموولە !

ئازادی وڵاتم

لە یەو لە وە گیای بکەم

ماڵ خوەمە، جیای بکەم!

لەیلەگەم/شیرینەگەم/زینەگەم

رەنگین ماڵ و مینەگەم

دویەت نەخشین خوینەگەم

داچویڕیای لە ناو ژینەگەم

کەی تاسەی  دین تۆ

ئاڵا و پەرچەم رەنگین تۆ

نەخشەی چەکمەیین تۆ

سەمەر دەی لە باخ من

لە باخ بێ دەماخ من

گیرسیەی چراخ ناخ من

گەرمی لەشد بوی وە بەشم

ئازادی لەیلم رشیدە لەشم

ماچێ لە لێود کەی سەر خوەشم!