شه‌فه‌ق نیوز/ گشت خیزانە دڵخوەشەیل، لەشیوەی یەک کەن؛ گشت خیزانە دڵتەنگەیل، دڵتەنگن وەشیوەی خوەیان.
وەی قسە رۆمان ( ئانا کارینا) دەس وەپی کەێد، ک جوانترین چشتە، ئەرا لیۆ تۆلیستۆی مەزن.
شایەت ئاشکرایە ک رۆمانەیل تۆلیستۆی هانە بان ژیریی داین، یا تێبینی گەردونی، مەرج لەبان سەرسامی و گرنگی دان خوەنەوار لە سەرەتایەگەیەو کەێد.
لە سەرەتا باس لە خیزانەیل دڵخوەش و دڵتەنگ کەێد، ری ئەرا هەڵوەسانن كەشوهەوایل چیرۆک وەرانوەری کەێدەو، وە بەراوردکردن لە ناوبەین چیرۆک ئانا و فرۆنسکی لە یەکلا، و لەناوبەین چیرۆک قستەنتین لیڤین و کیتی لە لاییگترەو.
ئویشن ک تۆلیستۆی لە پەیامیگ ئەرا برادەریگی وتیە؛ ک (ئانا کارینیا) یەکەمین کارمە لە رۆمان.
واتە ک وەناوبانگترین وگەوراترین رۆمانەگانی ( جەنگ و ئاشتی) خستیەسە پشت گووش، یەیش تیەدەو ئەرا هۆکارەیل هونەریگ شایستە لەلای خود تۆلیستۆیەو، ک ئەوسا لە لاین مەیدان ئەدەب روسیا پڕۆژەیگ نوو بوی.
گوگوڵ هەنای یەکەمین رۆمانەگەی نویسان ( نەفسەیل مردگ) ناوی نا وە ( شعر). بەڵکم دیستۆڤیسکی خەریک بڵاو کردن وەناوبانگترین رۆمانی بوی ( تاوان و سزا) لە خود گۆڤارەگە، ولە خود وەختەگە، ک تۆلیستۆی لەتی ئەفسانەگەی بڵاو كردیا ( جەنگو ئاشتی)، وەلی هەرچەن کارەیل ئەدەبی بڵاوکریاگ ئەوسا فرە بوی، بەڵکەم ( ئانا کارینیا) وەڕاسی نزیکترە ئەرا جەستەی رۆمان.