کلتور هووز کۆن کالاش هالە ژیر هەڕەشەی گومةوبوین، هیمان دەور ٤٠٠ کەس لەی هووزە لە شوینەیل دویر گوزران کەن، لە بنار کویەیل هیماڵایا، لە سنوور ناوبەین پاکستان و ئەفغانستان، بەڵکم نووەوبوین وەرەوپیان گامڵەکی کەێد.
وەگورەی ئەفسانەگە، کالاش توخمارەی سەربازە یۆنانیەگانن ک لە هیندوکۆش جیگر بوین، لە وەخت هەڵمەتة سەربازیگەی ئیسکەندەر گەورا، وەلی لێکۆڵینەوە نووەیلە ک لەناوچەگە ئەنجام دریا وت ک بنچینەیان ئەفغانیە، بەڵکم گەل کالاش هیمان هالە رك ئەوە ک بنچینەیان ئۆڕۆپیە.
کالاش لەمێژوی خوه‌ى ناچار کریا ک ئایین خوەی ئاڵشت بکەێد، یا جینۆساید بکریەێد، تەنیا کۆمەڵیگ بویچگ لەلیان رزگاری بوی و ئیسە هانە هەرێم باختونخوای پاکستان، هیمان هانە بان ئاین بتپەرەسی خوەیان، وشیوازە کۆنەگەی ژیانیان، دویر لە نووەوبوی فرەی شارەگان، بەڵکم لە فرە جار نەوە نووەگە لە هووز کالاش کەفنە ناوبەین پەسەن کردن ژیانە ئاسایەگەیان یا ژیان نوو، ک فرەیان بیچارە مینن ئرا مینەی ری ژیانیان لە دەیشت ئاسۆ تەسکەگەی ئاوایه‌گەیان.