عەبدلمەجید عومەر عەبدوڕەحمان ، لوتفی نازناوە ئەدەبیەگەیە.
ئەدیبیگ کورد، خەڵک شار خانەقینە ویەکیگە لە دامەزرێنەرەیل یەکێتی نویسەرەیل عیراق.
ئەدیب و بیرمەند کوردیگە، لە ٣٠ حوزەیران ١٩٠٥ لە خانەقین پەیا بویە، گوزران مناڵی و خوەنستن بنەڕەتیی لە خانەقین کردیە، ئیجا چیەسە ئامادەیی پیشەسازی لە بەغداد، تا ساڵ ١٩٣٢ خوه‌نستیه‌ و لەساڵ ١٩٣٦ بویە فەرمانبەر لە وزارەت دارایی. خوەی و خیزانەگەی توهمەت کریا وەشیوعیەت و زەید کوڕی لە ژیر شکەنجەی حەرەس قەومی مرد. وه‌بان یه‌شه‌و سەر ئەرا هویچ دەسڵاتداریگ نەچەمان، ئەرا ئەوە کەس پشتگیری نویسانەگانی نەکرد، کەسیش ئەرا ناوی راگەیانن نەکرد وچاپ کتاوەیل خوەی لە گیرفان خوەی کردیاد.
لە سەردەم عەبدلکەریم قاسم، نەتەویەگان زار وەپی رەسانیان وهەڕشە لەبانی داشتن، داوا لە قاسم کرد وە نامەیگ ( ئەگەر نێەتویەنێد مقەیەتی خوەد بکەێد، خو مقەیەتی مللەتەگەد بکە) دویای ئەوە قاسم مەفرەزەیگ ئەرای کل کرد ئەرا مقەیەتی و لەدەرماڵەگەی شوین گردن، ئیجا پەڵپ خواردنیان لە لوتفی فرەوە بی، لوتفییش ئەو توانا نەیرێد گشت روژی نان ١٢ کەس بیەێد، نامەیگ تر ئەرا قاسم رەوانەکرد ( ئەگەر خوەد تیر سەربازەیلد نەکەید، داوا لە میللەت نەکە تیریان بکەێد).
لە وەخت بەعسیش داوا لەلی کریا ک بایەسە بچودە وەردەم سەدام وەختا جێگر سەرۆک کۆمار بوی، ئەییش وەدەسپیچگ پیری نەچگ، لە سێەم جار، وەماشین خوەیان بردنەی ئەرا لای سەدام، وەختا چەوپیکەوتنەگە تەواو بوی، نەیشت وە ماشینەگەیان بارنەوەی، خوەی وە پاس هاتەو، چوینکە کوشتنی لەوەر چەو مەردم ئاسان نیە.
لە نویسراوەیلی وەزوان عەرەوی:
دەنگدانەوەی رۆزگار ١٩٣٨
دڵ داڵگ ١٩٤٠
کۆتایی مۆسیقاریگ
تەماشایلیگ لە ئەدەب کوردی١٩٤٨
عەفیفە ١٩٥٣
لە ریەگە ١٩٥٨
سروود تەمموز ١٩٥٩
جەژنیگ لەماڵ ١٩٦١
ئیمام عەلی پیاو ئیسلام نەمر ١٩٦٧
پیاوەیل وەبی دەنگ گیرن ١٩٦٩
ژاوەژاو روژ ١٩٧١
پەنج روژ لە مەربید ١٩٧٢
دڵ تەڕی قسەگان ١٩٧٤
موتەنەبی شاعر هویر عەرەوی ١٩٧٧
کونایگ تر ئەرا خوەر ١٩٨٠
پێشبینی زانا کاولیەگە ١٩٨٢
کەنداو مەرجان ١٩٨٤
وفرەتر لە ١٥٠ دەسنویس لە باوەتەیل ئەدەب دیرێد
لە ٢٧ تەشرین یەکەم ١٩٩٢ ماڵئاوایی یەکجاری کرد
ولە باوە مەحموی نریا قەور.