كورد له مێژوو
شه‌فه‌ق نيوز/ يه‌كيگ له ريزداره‌يل سه‌رده‌م ئويشێد: سێيان له‌و سه‌ركرده‌يل ئسلامه ك روى وه‌ڕوى داگيركاريه‌يل دوشمنه‌يل بوينه‌سه‌و كورد بوينه.
1- ئه‌بو موسلم خوه‌راسانى
2- بيبه‌رز ئه‌لبندقبارى فه‌رمانڕه‌واى مسر
3- يوسف سه‌ڵاحه‌دين ئه‌يوبى
1- كوشتن ئيمام حسێن دويه‌ته‌رزاێ په‌يغه‌مبه‌ر(س . خ)خاڵ سيه‌يگ بوى له مێژوو ئه‌و نه‌ته‌وه ك شماره‌يان فريه بوى تا وه‌ختيگ سه‌ركرده‌يگ له خوه‌راسان ده‌ركه‌فت وه په‌رچه‌م سيه‌يگه‌و ئه‌مه‌ويه‌يل له‌ناو برد له ئيران و دوياى ئه‌وه‌يش چيه به‌سره‌و روێ كرده شام و چه‌وى كه‌فته ئه‌و عه‌باسيه‌يله ك له فلستينه‌و هاتوێن ك مه‌سه‌له‌گه وره‌و لاى بنه‌ماڵه‌يى كيشان و داوا له ئه‌بو حه‌نيفه ئه‌لنوعمان دادوه‌ر به‌غدا كردن ئاشكراى ئه‌وه بكا ك بنه‌چه‌ك وه‌ره‌و باوگ بته‌وتره له بنه‌چه‌ك وه‌ره‌و ژن(فاتمه)، ئه‌لنوعمانيش له جواو وت: ئه‌يه هه‌وه‌جه وه سوره‌ێ قورئان ديرێد، ئه‌بو جه‌عفه‌ر مه‌نسوريش وت: ئه‌و سوره چه‌س؟ ئه‌ويش وت(تبت يدا ابي لهب)، ئمجا ئه‌بى له‌هه‌ب براى ئه‌لعه‌باس بن عه‌بدولموته‌لب ك دويا كه‌سيگ بوى هاته ناو ئسلام وه يه‌خسيرى له جه‌نگ به‌در مه‌ردم هان دا وه سه‌رۆكايه‌تى ئه‌بو موسلم و ئه‌بو مه‌نسوريش ئه‌بى حه‌نيفه كوشت و كه‌فته شوون جنازه‌گه‌يشى و دوياى ئه‌وه‌يش ئه‌بو موسلم كوشت و كه‌فته دوياى جنازه‌گه‌ى، ئمجا ئه‌بو موسلم تا ئه‌و راده زيره‌ك بوى ناو نه‌ته‌وه‌گه‌ى ناورد.
2- هه‌ناى ك داگيركارى ته‌تارى هات وه سه‌ركردايه‌تى مه‌غول و هۆلاكۆ ئه‌را به‌غدا و ده‌سكريا كوشتار فراوانيگ له‌تى، گشت كتاوه‌يل ئايينى سزانن و روێ كردنه سوريا و هاتنه تويشسوپاى مسرى له فلستين وه سه‌ركردايه‌تى مير بيبه‌رز به‌ندقبارى و ژنه‌گه‌ى ناوى جله‌نار بوى ك ئاموزاێ خوه‌ى بوى و ناودار بوين له كتاويگ وه‌ناو "واه ئسلاما" ك دانه‌ره‌گه‌ێ عه‌لى ئه‌حمه‌د بوى، ك وه‌ڕاسى ويران سوپاى مه‌غول كردن و ره‌سينه هند و بويه دويا سه‌ركرده‌يان وه‌ناو فه‌يروز شا ك ناودار بوى وه دروسكردن مزگفت تاج محه‌ل ك له‌ڕوى ناوده‌وڵه‌تيه‌و خريا كلتوور جه‌هانى و فيلميگ ناودار دروسكرد و خه‌زن نه‌كرياگه له چوارچيوه‌ى فيلمه‌يل كويه‌ن مسرى.
3- ئه‌لناسر لدين ئه‌ڵڵا يوسف سه‌ڵاحه‌يدن ئه‌يوبى وه نوره‌دين زه‌نكيه‌و چيه ناو سوپايگ تايبه‌ت، وه‌لێ داگيركاريه‌يل سه‌ليبى وه‌رده‌وام بوين ئه‌را ماوه‌ى 125 ساڵ و تا ئه‌وه بوى كورد له دويا جه‌نگ بنبڕيان كرد له عه‌كا له فلستين و رشارد قه‌لبولئه‌سه‌د پاشاى ئنگليز و لويس چواره‌م پاشاى فره‌نسا و شا نابلى ئيتاڵى يه‌خسير كرد و بويه ده‌وڵه‌ت ئه‌يوبى.
عه‌لامه ئه‌حمه‌د كوبه‌يسى باوه‌ڕى ئه‌وه‌سه ك سه‌ركرده‌ى چواره‌ميش كورد ئه‌دێ تا وڵات عه‌ره‌ب وئسلام يه‌كه‌و بخا.
ئمجا شايه‌ت له‌وه‌ر ئه‌وه‌گ كورد ده‌روين پاك و راسگوون وه‌ل هيز ئه‌قل و جه‌سه‌يى، يه‌يش له‌يوا بكا جياواز بوون، يا شايه‌ت به‌ختيان له‌يوا بوى گشت چشتيگ له‌ليان برياو له بياوانه‌يل عراق زينگ وه‌چاڵ كريان.
سه‌ڵاح مه‌نده‌لاوى
