ئئتلاف مالكی ده‌رچگن عراق له‌به‌ند هه‌فته‌م وه ده‌سكه‌فتيگ جوورده‌رچگن هيزه‌يل بيگانه تاريف ئه‌كا
2013-06-27 12:05:43
حه‌سه‌ن ئه‌لسنێد سه‌ركرده له ئئتلاف ناوبرياگ، له نامه‌يگ ئه‌لكترۆنی ك روينويسيگی ره‌سيه (شه‌فه‌ق نيوز) وت: بڕيار ئه‌نجوومه‌ن ئاسايش ناوده‌وڵه‌تی ك بڕياره ئمڕوو بدريه‌يد له‌بان دراوردن عراق له گرفت به‌ند هه‌فته‌م ده‌سكه‌فتيگه ك كه‌متر نيه له ده‌رچگن هيزه‌يل بيگانه له‌ساڵ ٢٠١١ له‌عراق.
ئه‌لسنێد هه‌ميش وت: ئيمه مكوڕبوين حكوومه‌ت له‌بان ئی مه‌سه‌له وه هه‌وڵ گه‌ورايگ زانيم وه‌خاتر كووتاييهاوردن وه دوسيه‌ی سزايه‌يل و دراوردن عراق له گرفته‌يل ناوده‌وڵه‌تی.
جی باسه، به‌ند هه‌فته‌ك له ريككه‌فتن نه‌ته‌وه‌يل يه‌كگرتگ سڵا دا ئه‌نجوومه‌ن ئاسايش هيز باريده كار ئه‌را چه‌سپانن بڕياره‌يل يا له‌ڕی سزاداين يا ده‌خاڵه‌ت سه‌ربازی، يه‌يش له‌وه‌ختيگ به‌ند شه‌شه‌م باس چاره‌سه‌ر كيشه‌يل له‌ڕی ئاشتيانه ئه‌كا.
ج . أ
