له‌ به‌ياننامه‌ی سه‌رۆكايه‌تی هه‌رێم ئه‌را(شه‌فه‌ق نيوز)ئه‌وه‌ ده‌ركه‌فت، ك دويه‌كه‌ بارزانی له‌ هه‌وارگه‌ی سه‌ڵاحه‌دين له‌ هه‌ولێر له‌ دانيشتنيگ وه‌ل ربيرت كريستوفر و شانده‌ ياوه‌ره‌گه‌ی باس له‌ بار سياسی عراق كردگه‌و باڵويز ئه‌مريكايش له‌و ديداره‌ سوپاسگوزرای خوه‌ی پيشكه‌ش كرده‌سه‌ حكوومه‌ت و ملله‌ت كوردستان له‌بان ئه‌و ده‌سميه‌ت و پشتگيريه‌ ك پيشكه‌شی كردنه‌سه‌ په‌نابه‌ره‌يل كورد سوری له‌ هه‌رێم له‌ماوه‌ی مانگه‌يل گوزه‌يشت و هه‌ميش سوپاسگوزار سه‌رۆكايه‌تی هه‌رێم بوی ئه‌را وه‌رگرتن ئه‌و شماره‌ی گه‌ورا له‌ گشت پيكهاته‌يل جياجيای عراقی له‌ هه‌رێم و ده‌سميه‌تداين ئێزيدی و مه‌سيحی و شه‌به‌ك و كه‌مينه‌يل تر.

به‌ياننامه‌گه‌ ئاماژه‌ وه‌يه‌يش كرد ك باڵويز ئه‌مريكی سوپاسگوزاری ئداره‌ی ئه‌مريكييش ئاراسته‌ی حكوومه‌ت هه‌رێم كردگه‌ وه‌خاتر ئه‌و هه‌وڵ چه‌وديری جدديه‌ ك له‌لايه‌ن حكوومه‌ت هه‌رێمه‌و دريه‌يد له‌وه‌ر خاتر په‌ياكردن بكوشه‌يل كاوه‌ گه‌رميانی رووژنامه‌نويس.

ج . أ